బాలయ్య ‘డిక్టేటర్’ ఆడియోకు లక్షలాది మంది అభిమానులు రాక!

Posted: 11/17/2015 01:10 PM IST

Balakrishna dictator movie audio release on 20 december

ప్రముఖ దర్శకుడు శ్రీవాస్ దర్శకత్వంలో నందమూరి బాలకృష్ణ హీరోగా అంజలి, సోనల్ చౌహన్, అక్ష హీరోయిన్లుగా నటిస్తున్న చిత్రం ‘డిక్టేటర్’. ఈ చిత్రాన్ని భారీ బడ్జెట్ చిత్రాల నిర్మాణ సంస్థ ఈరోస్ ఇంటర్నేషనల్ బ్యానర్ మరియు వేదాశ్వ క్రియేషన్స్ సంస్థ సంయుక్తంగా నిర్మిస్తున్నారు.

ప్రస్తుతం ఈ చిత్ర షూటింగ్ శరవేగంగా జరుగుతోంది. ఇటీవలే విడుదలైన ట్రైలర్ కు భారీ రెస్పాన్స్ వస్తోంది. ఇందులో బాలయ్య లుక్ చాలా కొత్తగా కనిపిస్తోంది. థమన్ సంగీతం అందించిన ఈ చిత్రంలోని ‘గణేశా..’ అనే పాట ఇటీవలే విడుదలై మంచి టాక్ ను సొంతం చేసుకుంది.

ఈ చిత్ర ఆడియోను గ్రాండ్ గా చేయడానికి చిత్ర యూనిట్ సన్నాహాలు చేస్తున్నారు. ‘డిక్టేటర్’ ఆడియోను ఆంధ్రప్రదేశ్ కొత్త రాజధాని అమరావతిలో గ్రాండ్ గా విడుదల చేయనున్నారు. ఈ ఆడియో వేడుకలో దాదాపు లక్ష మంది ప్రేక్షకులు పాల్గొననున్నట్లుగా తెలిసింది. ఆంధ్రప్రదేశ్ ముఖ్యమంత్రి శ్రీ నారా చంద్రబాబు నాయుడు గారు ముఖ్య అతిథిగా విచ్చేయనున్నారు. ఈ ఆడియోను డిసెంబర్ 20న విడుదల చేయనున్నారు.

భారీ అంచనాలతో రూపొందుతున్న ఈ చిత్రానికి కథ, స్ర్కీన్ ప్లే ను ప్రముఖ రచయితలు కోన వెంకట్, గోపి మోహన్ లు అందిస్తున్నారు. వచ్చే ఏడాది సంక్రాంతి కానుకగా ‘డిక్టేటర్’ ప్రేక్షకుల ముందుకు రాబోతున్నాడు. త్వరలోనే అన్ని వివరాలను అధికారికంగా ప్రకటించనున్నారు.