దుమ్మురేపుతున్న దీపికా, ప్రియాంకల ‘పింగా’

Posted: 11/17/2015 10:28 AM IST

బాలీవుడ్ లో ప్రస్తుతం భారీ అంచనాలు నెలకొన్న చిత్రం ‘భాజీరావ్ మస్తానీ’. రణవీర్ సింగ్, దీపికా పదుకునే, ప్రియాంక చోప్రాలు కలిసి నటిస్తున్న ఈ చిత్రంపై ప్రస్తుతం సినీ జనాల్లో భారీ అంచనాలు నెలకొన్నాయి. ప్రముఖ దర్శకుడు సంజయ్ లీలా భన్సాలీ దర్శకత్వం వహిస్తున్నారు. ఇప్పటికే విడుదలైన ఫస్ట్ లుక్ పోస్టర్లు, ట్రైలర్లకు భారీ రెస్పాన్స్ వస్తున్నాయి.

ఈ చిత్రాన్ని కిశోర్ లుల్లా, సంజయ్ లీలా భన్సాలీ సంయుక్తంగా నిర్మిస్తున్నారు. అయితే తాజాగా విడుదలైన ‘పింగా’ అనే సాంగ్ వీడియోను విడుదల చేసారు. ఇందులో దీపికా, ప్రియాంకాల డాన్స్ అదిరిపోయింది. ఈ పాటకు భారీ రెస్పాన్స్ వస్తోంది. ఈ పాట యూట్యూబ్ లో రికార్డులు క్రియేట్ చేస్తోంది. ఇప్పటికే ఈ పాటను 497,262 మంది వీక్షించారు.

గతంలో వచ్చిన ‘దేవదాస్’ చిత్రంలో మాధురీ దీక్షిత్, ఐశ్వర్య రాయ్ కలిసి చేసిన ‘డోలారే డోలారే’ సాంగ్ ఇప్పటికీ మారుమ్రోగుతూనే వుంది. అదే తరహాలో కూడా ఈ ‘పింగా’ సాంగ్ లో కూడా దీపికా, ప్రియాంకాలు తమ అందచందాలు, డాన్సులతో అదరగొట్టారు. భారీ అంచనాలతో రూపొందుతున్న ఈ ‘భాజీరావ్ మస్తానీ’ చిత్రాన్ని డిసెంబర్ 18న ప్రపంచ వ్యాప్తంగా విడుదల చేయనున్నారు.