రేపే ‘కుమారి 21 F’ పాటల విడుదల

Posted: 10/30/2015 04:52 PM IST

ప్రముఖ దర్శకుడు సుకుమార్ సమర్పణలో రాజ్‌తరుణ్, హేభాపటేల్ జంటగా నటిస్తున్న చిత్రం ‘కుమారి 21ఎఫ్’. పల్నాటి సూర్యప్రతాప్ దర్శకత్వంలో తెరకెక్కుతున్న ఈ చిత్రాన్ని సుకుమార్ రైటింగ్స్, పి.ఎ.మోషన్ పిక్చర్స్ పతాకంపై విజయ్‌ప్రసాద్ బండ్రెడ్డి, థామస్ రెడ్డి ఆడూరి నిర్మిస్తున్నారు.

ఇటీవలే యంగ్ టైగర్ ఎన్టీఆర్ విడుదల చేసిన ఫస్ట్ లుక్ ట్రైలర్ కు భారీ రెస్పాన్స్ వస్తోంది. దేవిశ్రీప్రసాద్ సంగీతం అందిస్తున్న ఈ చిత్ర ఆడియోను రేపు(అక్టోబర్31) హైదరాబాద్ లో విడుదల చేయనున్నారు. ఈ ఆడియోను స్టైలిష్ స్టార్ అల్లు అర్జున్ చేతుల మీదుగా విడుదల కానున్నాయి.

తాజాగా ఈ చిత్ర ఆడియో రిలీజ్ పోస్టర్లను విడుదల చేసారు. రొమాంటిక్ లవ్ ఎంటర్ టైనర్ గా రూపొందుతున్న ఈ చిత్రానికి రత్నవేలు సినిమాటోగ్రఫిని అందిస్తున్నారు. అగ్ర సాంకేతికనిపుణుల కలయికలో రూపొందుతున్న ఈ చిత్రాన్ని త్వరలోనే ప్రేక్షకుల ముందుకు తీసుకురానున్నారు.