ప్రేమలీలకు రాంచరణ్ డబ్బింగ్ పూర్తి

Posted: 10/29/2015 10:21 AM IST

Ram charan completes dubbing for premaleela film

బాలీవుడ్ సినీ అభిమానులంతా ఎంతగానో ఎదురుచూస్తున్న తాజా చిత్రం ‘ప్రేమ రతన్ ధన్ పాయో’. బాలీవుడ్ స్టార్ హీరో సల్మాన్ ఖాన్, సోనమ్ కపూర్ జంటగా నటించిన ఈ చిత్రానికి ప్రముఖ దర్శకుడు సూరజ్‌ బర్‌జాత్యా దర్శకత్వం వహించారు. గతంలో సల్మాన్ ఖాన్, సూరజ్ కాంబినేషన్లో ‘మైనే ప్యార్ కియా’, ‘హమ్ సాత్ సాత్ హై’. ‘హమ్ ఆప్ హై కౌన్’ వంటి హిట్ చిత్రాలొచ్చాయి.

మరోసారి వీరిద్దరి కలయికలో వస్తున్న ఈ సినిమాపై ప్రస్తుతం భారీ అంచనాలే నెలకొన్నాయి. ఇటీవలే ఈ చిత్ర ట్రైలర్లు, పాటలను విడుదల చేసారు. వీటికి భారీ రెస్పాన్స్ వస్తోంది. బ్యూటీఫుల్ ఫ్యామిలీ, లవ్ రొమాంటిక్, యాక్షన్ ఎంటర్ టైనర్ గా రూపొందుతున్న ఈ చిత్రాన్ని తెలుగులోకి డబ్బింగ్ చేస్తున్నారు.

ఈ చిత్రాన్ని తెలుగులో ‘ప్రేమలీల’ పేరుతో డబ్బింగ్ చేస్తున్నారు. సల్మాన్ పాత్రకు తెలుగులో మెగాపవర్ స్టార్ రాంచరణ్ తేజ డబ్బింగ్ చెప్తున్నారు. తాజాగా చరణ్ ఈ డబ్బింగ్ కార్యక్రమాలను పూర్తి చేసారు. భారీ అంచనాలతో రూపొందుతున్న ఈ చిత్రాన్ని దీపావళి కానుకగా నవంబర్ 12న ప్రపంచ వ్యాప్తంగా హిందీ, తెలుగు భాషలలో విడుదల చేయనున్నారు.