గోల్డెన్ ఛాన్స్ కొట్టేసిని రేయ్ భామ

Posted: 10/14/2015 10:23 AM IST

‘ఓకే బంగారం’ చిత్రం తర్వాత ప్రముఖ దర్శకులు మణిరత్నం దర్శకత్వంలో ఓ భారీ చిత్రం రూపొందనున్న విషయం తెలిసిందే. ఇందులో కార్తీ, దుల్కర్ సల్మాన్, నిత్యామీనన్, కీర్తి సురేష్ లు ప్రధాన పాత్రలలో ఎంపికయ్యారు. కానీ వరుస సినిమాలతో బిజీగా వుండటంతో దుల్కర్ సల్మాన్ ఈ ప్రాజెక్టు నుంచి తప్పుకున్నాడు. దుల్కర్ స్థానంలో నానిని హీరోగా ఎంపిక చేసుకున్నారు.

ఇక త్వరలోనే సెట్స్ పైకి వెళ్ళనుందని అందరూ భావించే సమయంలోనే కీర్తిసురేష్ షాకిచ్చింది. ఈ సినిమాలో తన పాత్రకు సరైన ప్రాధాన్యత లేకపోవడంతో కీర్తిసురేష్ కూడా ఈ ప్రాజెక్టు నుంచి తప్పుకుంది. దీంతో కీర్తిసురేష్ పాత్రలో ‘రేయ్’ భామ సయామీ ఖేర్ ను ఎంపిక చేసారు.

‘రేయ్’ సినిమాలో తన అందచందాలతో, డాన్సులతో పిచ్చెక్కించిన సయామీ ఖేర్ ను మణిరత్నం ఎంపిక చేసారు. ఈ సినిమా డిసెంబర్ లో సెట్స్ పైకి వెళ్లనుంది. ప్రస్తుతం ఈ ప్రాజెక్టుకు సంబంధించిన ప్రీ ప్రొడక్షన్ కార్యక్రమాలు శరవేగంగా జరుగుతున్నాయి. తెలుగు, తమిళం భాషలలో ఏకకాలంలో రూపొందనుంది.