ముగ్గురు లైలాలతో నాగచైతన్య రోమాన్స్

Posted: 09/27/2015 03:27 PM IST

అక్కినేని నట వారసుడిగా తాత, తండ్రుల నుంచి పునికి పుచ్చుకుని.. తన నటనాభినాయాన్ని ప్రదర్శించేందుకు సిద్దమవుతున్న అక్కినేని నాగచైతన్య.. నేటి తరం మజ్ఞూగా నటిస్తున్నాడు. అయితే మజ్ఞూ ఫిక్స్ అయ్యాడు కానీ మరి లైలా అంటారా..? ఈ చిత్రంలో ఒకరు కాదు మగ్గురు లైలాలు వున్నారని టాక్. ముగ్గురు లైలాలతో నేటి తరం మజ్ఞూ రోమాన్స్ చేయనున్నాడట. మలయాళ చిత్రం ప్రేమమ్ తెలుగులో మజ్ను పేరుతో రీమేక్ అవుంతండగా, కార్తికేయ ఫేమ్ చందు మొండేటి దర్శకుడిగా ఈ చిత్రాన్ని తెరకెక్కిస్తున్నారు.

నాగచైతన్య హీరోగా నటిస్తుండగా.. ఎస్.రాధాకృష్ణ ఈ చిత్రాన్ని నిర్మిస్తున్నారు.. ఈ సినిమాలో ముగ్గురు హీరోయిన్లకి అవకాశం ఉండగా మాలయాళంలో నటించిన అనుపమ పరమేశ్వరన్ తెలుగులోనూ ఎంపికయింది. మిగిలిన ఇద్దరు లైలాలు కూడా మన మజ్నుకి దొరికేశారట. శృతిహాసన్ తోపాటు అమైరా దస్తూర్ (అనేగన్ ఫేమ్)లు ఈ సినిమాలో చైతూతో రొమాన్స్ చేయనున్నారని సమాచారం. ఇదే నిజమైతే శ్రీమంతుడు సినిమాతో ఇటీవల హిట్ కొట్టిన శృతిహాసన్ తొలిసారి నాగచైతన్యతో నటించనుంది. త్వరలోనే ఈ సినిమాని సెట్స్ పైకి తీసుకెళ్ళాలని దర్శకుడు భావిస్తున్నాడు. మలయాళ ప్రేక్షకుల ప్రేమను గెలుచుకున్న ఈ సినిమా తెలుగు ప్రేక్షకుల మనసు ఏ మేరకు దోచుకుంటుందో వేచి చూడాలిమరి...

జి. మనోహర్