మంచు మనోజ్ కొత్త సినిమా టైటిల్ ఖరారు

Posted: 09/23/2015 12:52 PM IST

మంచు మనోజ్ హీరోగా ప్రముఖ దర్శకుడు దశరథ్ దర్శకత్వంలో ఓ చిత్రం తెరకెక్కుతున్న విషయం తెలిసిందే. ఇటివలే ఈ చిత్ర షూటింగ్ ప్రారంభం అయ్యింది. సురక్ష ఎంటర్టైన్మెంట్స్ ఇండియా ప్రైవేట్ లిమిటెడ్ పతాకంపై ఎం.శివకుమార్ నిర్మిస్తున్నారు.

ఈ చిత్రానికి ఇప్పటి వరకు పలు రకాల టైటిల్స్ వినిపించాయి. అయితే తాజాగా ఈ చిత్రానికి 'శౌర్య' అనే టైటిల్ ను ఖరారు చేసారు. ప్రస్తుతం ఈ చిత్ర షూటింగ్ హైదరాబాద్ లో మొదటి షెడ్యుల్ షూటింగ్ శరవేగంగా జరుగుతోంది.

మనోజ్ కు జోడిగా రెజినా హీరోయిన్ గా నటిస్తుంది. ఈ సినిమాకు గోపీ మోహన్ స్క్రిప్ట్ సమకూర్చారు. ప్రకాష్ రాజ్ ఈ సినిమాలో ఓ కీలక పాత్రలో నటిస్తున్నారు. ఈ చిత్రానికి సంబంధించిన మరిన్ని వివరాలు త్వరలోనే తెలియనున్నాయి.