నాగార్జున, కార్తీల ‘ఊపిరి’ ఫస్ట్ లుక్ మోషన్ పోస్టర్

Posted: 09/18/2015 02:06 PM IST

‘ఎవడు’ చిత్రం తర్వాత దర్శకుడు వంశీ పైడిపల్లి దర్శకత్వంలో ఓ భారీ మల్టీస్టారర్ చిత్రం తెరకెక్కుతున్న విషయం తెలిసిందే. అక్కినేని నాగార్జున, కార్తీ, తమన్నా ప్రధాన పాత్రలలో నటిస్తున్న ఈ చిత్రానికి ‘ఊపిరి’ అనే టైటిల్ ను ఖరారు చేసారు.

వినాయక చవితి సంధర్భంగా నేడు ఈ చిత్ర ఫస్ట్ లుక్ మోషన్ పోస్టర్ ను విడుదల చేసారు. ఇందులో నాగార్జున వీల్ చైర్ లో కూర్చొని వుండటంతో ఈ సినిమా ఎలా వుండబోతుందోనని అందరిలో ఓ ఉత్కంఠ నెలకొంది. అందాల భామ అనుష్క ఓ కీలక పాత్రలో నటిస్తుంది. కార్తీకి జోడిగా తమన్నా నటిస్తుంది.

భారీ బడ్జెట్ చిత్రాల సంస్థ పి.వి.పి పతాకంపై ప్రముఖ నిర్మాత ప్రసాద్. వి. పోట్లూరి భారీ బడ్జెట్ తో నిర్మిస్తున్నారు. గోపిసుందర్ సంగీతం అందిస్తున్నారు. తెలుగు, తమిళం భాషలలో ఏకకాలంలో రూపొందుతున్న ఈ చిత్రాన్ని త్వరలోనే ప్రపంచ వ్యాప్తంగా గ్రాండ్ గా విడుదల చేయనున్నారు.