ఏకకాలంలో తెలుగు, తమిళ, మలయాళ, కన్నడ... ఇలా నాలుగు భాషల్లో రూపొందిన ఘనతను దక్కించుకున్న చిత్రం 'రెడ్ అలర్ట్'. ఇప్పటికే కన్నడం, మలయాళ భాషల్లో విడుదలై, ఘనవిజయాన్ని సొంతం చేసుకుంది. ఈ నెల 24న తెలుగు చిత్రాన్ని విడుదల చేయనున్నామని చిత్రదర్శకుడు చంద్రమహేశ్ తెలిపారు. సినీ నిలయ క్రియేషన్స్ పతాకంపై పి.యస్. త్రిలోక్ రెడ్డి సమర్పణలో హెచ్.హెచ్.మహాదేవ్, అంజనా మీనన్ హీరో, హీరోయిన్ గా పీవీ శ్రీరామ్ రెడ్డి ఈ చిత్రాన్ని నిర్మించారు. ఈ చిత్రంలో చాలా హైలైట్స్ ఉన్నాయని, ముఖ్యంగా క్లయిమ్యాక్స్ లో భాగంగా వచ్చే సాంగ్ చాలా హైలైట్ గా నిలుస్తుందని చంద్రమహేశ్ అన్నారు. ఈ పాటను సంస్కృతంలో రాయించడం విశేషం.
క్లయిమ్యాక్స్ కోసం రాయించిన ఈ పాట గురించి, ఇతర చిత్రవిశేషాల గురించి చంద్రమహేశ్ చెబుతూ - " 'జై జై గణేశా...' అనే పల్లవితో ఈ పాట సాగుతుంది. సందర్భోచితంగా క్లయిమ్యాక్స్ లో వచ్చే పాట ఇది. ముందు తెలుగులో రాయించాం. కానీ, సందర్భం బలమైనది కావడంతో ఆ పాట పేలవంగా అనిపించింది. ఆ తర్వాత కొంతమంది రచయిలతో తెలుగులో రాయించినా, సంతృప్తిగా అనిపించలేదు. చివరికి రచయిత వెనిగళ్ల రాంబాబుతో ఈ పాటను సంస్కృతంలో రాయమంటే, రాశారు. చాలా బాగా వచ్చింది. ఈ పాటను శంకర్ మహదేవన్ గారితో పాడించాం. 'జై జై గణేశా..' అనే ఈ పాటను తెరపై చూస్తున్నప్పుడు రోమాలు నిక్కబొడుచుకుంటాయి. సంస్కృతం అనేది యూనివర్శల్ లాంగ్వేజ్ కాబట్టి, తెలుగు, తమిళ, మలయాళ, కన్నడ భాషల్లో ఈ పాటనే ఉంచేశాం. ఇప్పటికే కన్నడ, మలయాళ చిత్రాన్ని చూసినవాళ్లు పాట గురించి కూడా ప్రత్యేకంగా ప్రసంశించారు.
ఈ చిత్రకథ విషయానికొస్తే.. హైదరాబాద్ లో భారీగా జరిగే వినాయకుడి నిమజ్జనాన్ని చూడటానికి ఓ పల్లెటూరికి చెందిన నలుగురు కుర్రాళ్లు నగరానికి వస్తారు. ఆ నలుగురి జీవితం ఎలాంటి మలుపు తీసుకుంది? అనే కథాంశంతో చిత్రం సాగుతుంది'' అని చెప్పారు.
సుమన్, కె.భాగ్యరాజా, అలీ, పోసాని కృష్ణమురళీ, వినోద్ కుమార్, అనితా చౌదరి, మధుమిత తదితరులు నటించిన ఈ చిత్రానికి కథ, మాటలు - శ్రీరామ్ చౌదరి, సంగీతం - రవివర్మ, కెమెరా - కళ్యాణ్ సమి, ఎడిటింగ్ - గౌతంరాజు, ఎగ్జిక్యూటివ్ నిర్మాత - జైపాల్ రెడ్డి, కో-ప్రొడ్యూసర్ - శ్రీమతి పిన్నింటి శ్రీరాంసత్యరెడ్డి, నిర్మాత - పి.వి.శ్రీరాంరెడ్డి, స్ర్కీన్ ప్లే, దర్శకత్వం - చంద్రమహేశ్.
(And get your daily news straight to your inbox)
Oct 08 | పాన్ ఇండియా స్టార్ ప్రభాస్ బాహుబలి సిరీస్ చిత్రాల తరువాత అలాంటి హిట్ ఇప్పటివరకు అందుకోకపోవడం ఆయన అభిమానుల్లో కలవరాన్ని రాజేస్తోంది. సాహో కలెక్షన్ల పరంగా ఫర్వాలేదని అనిపించినా.. ఆ తరువాత వచ్చిన రాధేశ్యామ్... Read more
Oct 08 | టాలీవుడ్ స్టార్ కమెడియన్ వెన్నెల కిశోర్ తెలుగు సినీపరిశ్రమలో తన జోరు చూపుతున్నాడు. తెలుగు చిత్రపరిశ్రమకు పరిచయమైన సీనియర్ కమేడియన్ అయినా.. ఇప్పటికీ యంగ్ లుక్ తో మంచి టైమింగ్, హావభావాల ప్రకటనలతో రాణిస్తున్నాడు.... Read more
Oct 08 | మెగాస్టార్ చిరంజీవి ప్రధానపాత్రలో తెరకెక్కిన 'గాడ్ ఫాదర్' చిత్రం ఈ నెల 5న విడుదలై విజయవంతంగా ప్రదర్శితమవుతోంది. ఈ సినిమాలో బాలీవుడ్ సూపర్ స్టార్ సల్మాన్ ఖాన్ 'మసూద్ భాయ్' అనే పవర్ ఫుల్... Read more
Oct 08 | ప్రముఖ దర్శకుడు మణిరత్నం మానసపుత్రిక అయిన పోన్నియన్ సెల్వన్ ప్రాజెక్టును ఎట్టకేలకు ఆయన తెరకెక్కించిన విషయం తెలిసిందే. అయితే రెండు భాగాలుగా ఈ చిత్రం రూపొందుతున్న విషయం తెలిసిందే. అయితే ఈ చిత్రం తొలిభాగం... Read more
Oct 08 | తమిళంలో హిట్ అయిన చిత్రాలు రీమేక్ గా తెలుగులో తెరకెక్కి హిట్ సాధించడం సాధరణంగా మారిపోయింది. ఈ క్రమంలో మొదటి నుంచి విభిన్నమైన కథలను .. విలక్షణమైన పాత్రలను ఎంచుకుంటూ.. నటిస్తున్న యంగ్ హీరో... Read more