సెప్టెంబర్18న నాగార్జున కార్తీల ఫస్ట్ లుక్ విడుదల

Posted: 09/15/2015 04:16 PM IST

Nagarjuna multistarrer film first look release date

అక్కినేని నాగార్జున, కార్తీ హీరోలుగా తమన్నా హీరోయిన్ గా ప్రముఖ దర్శకుడు వంశీ పైడిపల్లి దర్శకత్వంలో ఓ భారీ మల్టీస్టారర్ చిత్రం తెరకెక్కుతున్న విషయం తెలిసిందే. భారీ బడ్జెట్ చిత్రాల సంస్థ పి.వి.పి పతాకంపై ప్రముఖ నిర్మాత ప్రసాద్. వి. పోట్లూరి భారీ బడ్జెట్ తో నిర్మిస్తున్నారు.

ప్రస్తుతం ఈ చిత్ర షూటింగ్ శరవేగంగా జరుగుతోంది. అయితే ఈ చిత్ర ఫస్ట్ లుక్ పోస్టర్ మరియు టైటిల్ లోగోను వినాయక చవితి సంధర్భంగా సెప్టెంబర్ 18న విడుదల చేయనున్నారు. ‘Celebration of Life’ అనే పేరుతో తాజాగా ఓ పోస్టర్ ను విడుదల చేసారు.

తెలుగు, తమిళం భాషలలో ఏకకాలంలో రూపొందుతున్న ఈ సినిమాలో అనుష్క ఓ స్పెషల్ పాత్రలో నటిస్తుంది. ఈ చిత్రానికి ‘ఊపిరి’ అనే టైటిల్ పరిశీలిస్తున్నట్లుగా తెలిసింది. గోపిసుందర్ సంగీతం అందిస్తున్నారు. త్వరలోనే ఈ సినిమాను తెలుగు, తమిళం భాషలలో గ్రాండ్ గా ప్రపంచ వ్యాప్తంగా విడుదల చేయనున్నారు.