బాలీవుడ్ హాట్ భామతో ‘బ్రూస్ లీ’ రొమాన్స్

Posted: 09/15/2015 04:13 PM IST

Actress tisca chopra special role in ram charan brucelee movie

మెగాపవర్ స్టార్ హీరోగా శ్రీనువైట్ల దర్శకత్వంలో ‘బ్రూస్ లీ - ది ఫైటర్’ చిత్రం తెరకెక్కుతున్న విషయం తెలిసిందే. ఈ సినిమా గురించి రోజుకో కొత్త వార్త బయటకొస్తుంది. ఇప్పటికే ఈ సినిమాలో మెగాస్టార్ చిరంజీవి ఓ స్పెషల్ పాత్రలో నటిస్తున్న విషయం తెలిసిందే. అలాగే పవర్ స్టార్ పవన్ కళ్యాణ్ వాయిస్ ఓవర్ ఇవ్వబోతున్నాడని వార్తలొచ్చాయి.

అయితే తాజాగా ఇందులో మరో భామ వచ్చి చేరింది. బాలీవుడ్ నటి టిస్కా చోప్రా ఇందులో ఓ కీలక పాత్రలో నటించనుందని సమాచారం. త్వరలోనే ఇందుకు సంబంధించిన అన్ని వివరాలు చిత్ర యూనిట్ అధికారికంగా ప్రకటించనున్నారు. ప్రస్తుతం ఈ చిత్ర షూటింగ్ హైదరాబాద్ లో జరుగుతోంది.

పవర్ ఫుల్ యాక్షన్, ఫ్యామిలీ ఎంటర్ టైనర్ గా రూపొందుతున్న ఈ చిత్రానికి ప్రముఖ రచయితలు కోన వెంకట్, గోపి మోహన్ లు కథను అందిస్తున్నారు. రకూల్ ప్రీత్ సింగ్ హీరోయిన్. డివివి ఎంటర్ టైన్మెంట్స్ బ్యానర్ పై ప్రముఖ నిర్మాత డివివి దానయ్య నిర్మిస్తున్నారు. థమన్ సంగీతం అందిస్తున్నాడు.

ఈ చిత్ర ఆడియోను ఈనెల 26న విడుదల చేయనున్నారు. ఈ చిత్ర ట్రైలర్లు ఇటీవలే విడుదలై మంచి టాక్ ను సొంతం చేసుకున్నాయి. భారీ అంచనాలతో రూపొందుతున్న ఈ సినిమాను అక్టోబర్ 16న ప్రపంచ వ్యాప్తంగా విడుదల చేయనున్నారు.

Tisca Chopra special role in Ram Charan BruceLee Movie-02