ఈరోజు సాయంత్రం రామ్ శివమ్ పాటల మోత

Posted: 09/12/2015 09:56 AM IST

ఎనర్జిటిక్ హీరో రామ్, బబ్లీ హీరోయిన్ రాశిఖన్నా జంటగా నటిస్తున్న తాజా చిత్రం ‘శివమ్’. శ్రీ స్రవంతి మూవీస్ పతాకంపై కృష్ణచైతన్య సమర్పణలో స్రవంతి రవికిశోర్ నిర్మిస్తున్న ఈ చిత్రానికి శ్రీనివాస రెడ్డి దర్శకత్వం వహిస్తున్నారు.

దేవిశ్రీప్రసాద్ సంగీతం అందిస్తున్న ఈ చిత్ర ఆడియో ఈరోజు(సెప్టెంబర్12) హైదరాబాద్ లోని శిల్పకళా వేదికలో గ్రాండ్ గా విడుదల కానుంది. ఈ కార్యక్రమానికి పలువురు సినీ ప్రముఖులు హాజరుకానున్నారు. ఇప్పటికే విడుదలైన ఈ చిత్ర పోస్టర్లు, ఫోటోలు, ఆడియో టీజర్ కు మంచి రెస్పాన్స్ వచ్చింది.

ప్రస్తుతం ఈ చిత్ర షూటింగ్ హైదరాబాద్ లో జరుగుతోంది. జానీ మాస్టర్ నేతృత్వంలో రామ్, రాశిఖన్నాలపై ఓ సాంగ్ ను చిత్రీకరిస్తున్నారు. హై వోల్టేజ్ లవ్, యాక్షన్, కామెడీ ఎంటర్ టైనర్ గా రూపొందుతున్న ఈ చిత్రాన్ని అక్టోబర్ 2న విడుదల చేయడానికి చిత్ర యూనిట్ సన్నాహాలు చేస్తున్నారు.