గ్లామర్ తో భయపెడుతున్న త్రిష నాయకి

Posted: 09/10/2015 02:03 PM IST

వరుస హిట్ చిత్రాలతో దూసుకుపోతున్న సౌత్ ఇండియన్ స్టార్ హీరోయిన్ త్రిష నటిస్తున్న తాజా చిత్రం ‘నాయకి’. తమిళంలో ఈ చిత్రాన్ని ‘నాయగి’ పేరుతో రూపొందిస్తున్నారు. ‘లవ్ యు బంగారమ్’ ఫేమ్ గోవి దర్శకత్వంలో ‘లక్ష్మిరావే మా ఇంటికి’ సినిమాను నిర్మించిన మామిడిపల్లి గిరిధర్ ఈ చిత్రాన్ని నిర్మిస్తున్నారు.

ఇప్పటికే ఈ చిత్ర తమిళ పోస్టర్లను విడుదల చేసారు. వీటికి మంచి రెస్పాన్స్ వచ్చింది. అయితే తాజాగా ఈ చిత్ర తెలుగు పోస్టర్లను విడుదల చేసారు. ఇందులో త్రిష చాలా రొమాంటిక్ కిల్లర్ గా కనిపిస్తుంది. ప్రస్తుతం ఈ చిత్ర షూటింగ్ శరవేగంగా జరుగుతోంది.

తెలుగు, తమిళ, కన్నడ భాషలలో ఒకేసారి ఈ చిత్రాన్ని తెరకెక్కిస్తున్నారు. హర్రర్, థ్రిల్లర్ ఎంటర్ టైనర్ గా రూపొందుతున్న ఈ చిత్రాన్ని త్వరలోనే ప్రపంచ వ్యాప్తంగా భారీ ఎత్తున విడుదల చేయనున్నారు.