మాజీ ప్రేయసిగా మారిపోయిన అనుష్క

Posted: 09/09/2015 10:20 AM IST

అక్కినేని నాగార్జున, కార్తీ, తమన్నా ప్రధాన పాత్రలలో ఓ మల్టీస్టారర్ చిత్రం తెరకెక్కుతున్న విషయం తెలిసిందే. హిట్ చిత్రాల దర్శకుడు వంశీ పైడిపల్లి దర్శకత్వంలో తెరకెక్కుతున్న ఈ చిత్రాన్ని భారీ బడ్జెట్ చిత్రాల సంస్థ పి.వి.పి పతాకంపై ప్రముఖ నిర్మాత ప్రసాద్. వి. పోట్లూరి భారీ బడ్జెట్ తో నిర్మిస్తున్నారు.

ప్రస్తుతం ఈ చిత్ర షూటింగ్ శరవేగంగా జరుగుతోంది. అయితే ఇందులో నాగార్జునకు జోడిగా సౌత్ ఆఫ్రికన్ మోడల్ గాబ్రియేల్ల దిమెత్రియాడెన్ నటిస్తుంది. ఇప్పటికే వీరిద్దరిపై కొన్ని కీలక సన్నివేశాలను చిత్రీకరించారు. కానీ నాగార్జున మాజీ ప్రేయసి పాత్రలో అందాల భామ అనుష్క నటిస్తుంది.

ఈ సినిమాలో అనుష్కది కథకు మలుపు తెచ్చే పాత్ర అని తెలిసింది. ప్రస్తుతం ఈ చిత్ర షూటింగ్ లో అనుష్క పాల్గొంటుంది. ఈ చిత్రానికి ‘ఊపిరి’ అనే టైటిల్ పరిశీలిస్తున్నట్లుగా తెలిసింది. భారీ బడ్జెట్ తో తెలుగు, తమిళం భాషలలో రూపొందుతున్న ఈ చిత్రాన్ని ఏకకాలంలో రెండు భాషలలో విడుదల చేయనున్నారు. ఈ చిత్రానికి గోపిసుందర్ సంగీతం అందిస్తున్నారు.