‘సాహసమే శ్వాసగా సాగిపో’ అంటున్న నాగచైతన్య

Posted: 08/28/2015 05:54 PM IST

Naga chaitanya latest film title confirmed

‘దోచేయ్’ తర్వాత నాగచైతన్య హీరోగా ప్రముఖ దర్శకుడు గౌతమ్ వాసుదేవ్ మీనన్ దర్శకత్వంలో ఓ చిత్రం తెరకెక్కుతున్న విషయం తెలిసిందే. గతంలో వీరిద్దరి కాంబినేషన్లో వచ్చిన ‘ఏమాయ చేసావే’ చిత్రం ఎంతటి ఘనవిజయం సాధించిందో అందరికి తెలిసిందే.

‘ఏమాయ చేసావే’ చిత్ర తమిళ వెర్షన్ లో శింబు హీరోగా నటించాడు. ఈ చిత్రాన్ని ఏకకాలంలో రూపొందించి, విడుదల చేసారు. అయితే ప్రస్తుతం కూడా తమిళంలో శింబుతో, తెలుగులో నాగచైతన్యతో ఓకేసారి గౌతమ్ మీనన్ ఓ చిత్రం తెరకెక్కిస్తున్నారు. వీరిద్దరి సరసన మలయాళీ భామ మంజిమ మోహన్ హీరోయిన్ గా నటిస్తుంది.

ప్రస్తుతం ఈ చిత్ర షూటింగ్ శరవేగంగా జరుగుతుంది. అయితే ఈ చిత్ర తెలుగు వర్షెన్ కు ‘సాహసమే శ్వాసగా సాగిపో’ అనే టైటిల్ ను ఖరారు చేసారు. ఈ చిత్ర ట్రైలర్ మరికొద్ది గంటల్లో విడుదల కానుంది. ఈ చిత్రాన్ని తెలుగులో ప్రముఖ రచయిత కోన వెంకట్ నిర్మిస్తున్నారు.

ఈ చిత్ర ఫస్ట్ లుక్ పోస్టర్ మరియు టైటిల్ లోగో, టీజర్ ను అక్కినేని నాగార్జున పుట్టినరోజు సంధర్భంగా ఆగష్టు 29న విడుదల చేయనున్నారు. త్వరలోనే అన్ని వివరాలు అధికారికంగా ప్రకటించనున్నారు.