దుమ్మురేపుతున్న ఐశ్వర్యరాయ్ ‘జజ్బా’ ట్రైలర్

Posted: 08/26/2015 09:56 AM IST

Aishwarya rai jazbaa movie trailer release

అందాల భామ ఐశ్వర్యరాయ్ మళ్లీ సినిమాల్లోకి రీఎంట్రీ ఇస్తున్న చిత్రం ‘జజ్బా’. ప్రముఖ దర్శకుడు సంజయ్ గుప్తా దర్శకత్వంలో తెరకెక్కుతున్న ఈ చిత్రంలో నటుడు ఇర్ఫాన్ ఖాన్ ప్రధాన పాత్రలలో నటిస్తున్నాడు. ఇప్పటికే విడుదలైన ఫస్ట్ లుక్ పోస్టర్లకు మంచి రెస్పాన్స్ వచ్చింది.

అయితే తాజాగా ఈ చిత్ర ట్రైలర్ ను విడుదల చేసారు. ఇందులో ఐశ్వర్యరాయ్ యాక్టింగ్ సూపర్బ్. నిజాయితీ గల లాయర్ పాత్రలో ఐశ్వర్య నటిస్తుంది. ఓ కేసు విషయంలో అన్యాయం తరపున వాధించనందుకు తన పాపను విలన్లు కిడ్నాప్ చేస్తారు. దీంతో ఐశ్వర్యరాయ్ ఎలాంటి పరిస్థితులను ఎదుర్కొంది? ఎలాంటి నిర్ణయాలు తీసుకుంది? అనే పలు విభిన్న అంశాలతో తెరకెక్కుతోంది.

ఇందులో ఇర్ఫాన్ ఖాన్ ఓ పవర్ ఫుల్ పోలీస్ ఆఫీసర్ పాత్రలో నటిస్తున్నాడు. తాజాగా విడుదలైన ట్రైలర్ కు భారీ రెస్పాన్స్ వస్తోంది. ఈ సినిమాను అక్టోబర్ 9వ తేదిన ప్రపంచ వ్యాప్తంగా భారీ ఎత్తున ప్రేక్షకుల ముందుకు తీసుకురానున్నారు. మరి ఈ సినిమా ఎలాంటి విజయం సాధించనుందో త్వరలోనే తెలియనుంది.