ఈరోస్ చేతిలోకి మహేష్ శ్రీమంతుడి రైట్స్

Posted: 08/06/2015 06:59 PM IST

Eros acquires worldwide rights of mahesh srimanthudu

మహేష్ బాబు, శృతిహాసన్ జంటగా నటించిన ‘శ్రీమంతుడు’ చిత్రంపై ప్రస్తుతం భారీ అంచనాలే నెలకొన్నాయి. అంతటా కూడా ఈ సినిమాపై పాజిటివ్ టాక్ వినిపిస్తుండటంతో ‘శ్రీమంతుడు’ ఖచ్చితంగా బ్లాక్ బస్టర్ హిట్టవుతుందని అందరూ ఆశాభావం వ్యక్తం చేస్తున్నారు. ఈ పాజిటివ్ రెస్పాన్స్ చూసిన ప్రముఖ ఈరోస్ ఇంటర్నేషనల్ సంస్థ ఈ చిత్రం హక్కులను దక్కించుకున్నారు.

‘శ్రీమంతుడ’ చిత్ర వరల్డ్ వైడ్ రైట్స్ ను ఈరోస్ సంస్థ భారీ మొత్తానికి సొంతం చేసుకుంది. దీంతో విడుదలకు ముందే ‘శ్రీమంతుడు’ చిత్ర నిర్మాతలు లాభాల బాట పట్టారు. ఈరోస్ వారు ఈ చిత్రాన్ని ప్రపంచ వ్యాప్తంగా భారీ ఎత్తున విడుదల చేయడానికి అన్ని కార్యక్రమాలు సిద్ధం చేస్తున్నారు.

కొరటాల శివ దర్శకత్వంలో తెరకెక్కిన ఈ చిత్రాన్ని మైత్రీ మూవీ మేకర్స్ సంస్థ భారీ బడ్జెట్ తో నిర్మించింది. ఈ చిత్రాన్ని తమిళంలో ‘సెల్వాందన్’ పేరుతో విడుదల చేస్తున్నారు. ఈనెల 7వ తేదిన ప్రపంచ వ్యాప్తంగా తెలుగు, తమిళం భాషలలో గ్రాండ్ గా విడుదల చేస్తున్నారు. దేవిశ్రీప్రసాద్ సంగీతం అందించారు.