శ్రీమంతుడు డిటిఎస్ వర్క్స్ ఫినిష్... ఇక రచ్చ రచ్చే!

Posted: 08/03/2015 02:13 PM IST

Devi sri prasad finished dts work for mahesh srimanthudu film

టాలీవుడ్ ప్రిన్స్ మహేష్ నటించిన ‘శ్రీమంతుడు’ చిత్రం ఎప్పుడెప్పుడు విడుదలవుతుందా అని అభిమానులు ఎంతగానో ఎదురుచూస్తున్నారు. ఈ సినిమా టీజర్ నుంచి ఇటీవలే విడుదలైన పాటలు, ట్రైలర్ల వరకు కూడా పాజిటివ్ రెస్పాన్స్ తో అదరగొడుతున్నాయి. అభిమానులు ఎంతగానో ఎదురుచూస్తున్న ఆ తరుణం మరో నాలుగు రోజుల్లో మనముందుకు రానుంది.

భారీ అంచనాలతో రూపొందుతున్న ఈ సినిమా ఇప్పటికే భారీ క్రేజ్ ను సొంతం చేసుకుంది. దేవిశ్రీప్రసాద్ సంగీతం అందించిన పాటలు బ్లాక్ బస్టర్ హిట్టయ్యాయి. ప్రస్తుతం టాలీవుడ్ లో ఎక్కడచూసిన కూడా ‘శ్రీమంతుడు’ హవా నడుస్తోంది. అయితే దేవిశ్రీప్రసాద్ ఈ చిత్రానికి అద్భుతమైన రీరికార్డింగ్ ను అందిస్తున్నాడు.

తాజాగా ఈ చిత్రానికి దేవి డిటిఎస్ పనులు మొత్తం పూర్తి చేసేసాడు. ఇక మరికొద్ది గంటల్లో ‘శ్రీమంతుడు’ చిత్రాన్ని సెన్సార్ కు పంపనున్నారు. కమర్షియల్ ఫ్యామిలీ ఎంటర్ టైనర్ గా రూపొందిన ఈ చిత్రానికి ‘మిర్చి’ ఫేం కొరటాల శివ దర్శకత్వం వహించాడు. మైత్రీ మూవీ మేకర్స్ సంస్థ ప్రతిష్టాత్మకంగా నిర్మించింది.

మహేష్, శృతిహాసన్ హీరోహీరోయిన్లుగా నటించిన ఈ చిత్రంలో జగపతి బాబు, సుకన్య, రాజేంద్రప్రసాద్, రాహుల్ రవీంద్రన్, పూర్ణ తదితరులు ప్రధాన పాత్రలలో నటించారు. ఈ చిత్రాన్ని తమిళంలో ‘సెల్వాందన్’ పేరుతో విడుదల చేయనున్నారు. తెలుగు, తమిళం భాషలలో ఈ చిత్రాన్ని ప్రపంచ వ్యాప్తంగా ఆగష్టు 7వ తేదిన గ్రాండ్ గా విడుదల చేయనున్నారు.