బ్రూస్ లీ గా వస్తున్న తమిళ సంగీత దర్శకుడు

Posted: 07/28/2015 09:32 AM IST

ఇటీవలే ‘పెన్సిల్’ అనే చిత్రంతో తమిళ సంగీత దర్శకుడు జి.వి.ప్రకాశ్ కుమార్ హీరోగా ఎంట్రీ ఇచ్చిన విషయం తెలిసిందే. ప్రస్తుతం జివి నటించిన ‘త్రిష ఇల్లానా నయనతార’ చిత్రం విడుదలకు సిద్ధమవుతోంది. తెలుగులో ఈ చిత్రాన్ని ‘త్రిష లేదా నయనతార’ పేరుతో విడుదల చేయనున్నారు.

ఈ చిత్రం తర్వాత జివి మరో చిత్రంలో నటిస్తున్నాడు. ఈ చిత్రానికి ‘బ్రూస్ లీ’ అనే టైటిల్ ను ఖరారు చేసారు. కెనన్య ఫిలింస్ బ్యానర్ పై సెల్వకుమార్.జె సమర్పణలో తెరకెక్కుతున్న ఈ చిత్రానికి ప్రముఖ దర్శకుడు ప్రశాంత్ పాండియరాజ్ దర్శకత్వం వహిస్తున్నాడు.

తాజాగా ఈ చిత్ర ఫస్ట్ లుక్ పోస్టర్ ను విడుదల చేసారు. యాక్షన్ ఎంటర్ టైనర్ గా రూపొందనున్న ఈ చిత్రం ఎలా వుండబోతుందో చూడాలి. ఈ చిత్రానికి సంబంధించిన మరిన్ని వివరాలు త్వరలోనే అధికారికంగా ప్రకటించనున్నారు.