డబ్బింగ్ పూర్తి చేసిన భ‌లే భ‌లే నాని

Posted: 07/22/2015 09:36 AM IST

Actor nani completed dubbing for bhale bhale magadivoy

ప్రముఖ దర్శకుడు మారుతి దర్శకత్వంలో నాని, లావణ్య త్రిపాఠీ జంటగా నటిస్తున్న తాజా చిత్రం ‘భలే భలే మగాడివోయ్’. ఈ చిత్ర షూటింగ్ చివరి దశకు చేరుకుంది. అల్లు అర‌వింద్ గారు స‌మ‌ర్పణ‌లో, GA2 (A Division of GeethaArts) మరియు UV Creations సంయుక్తంగా ప్రోడ‌క్షన్ నెం-1 గా నిర్మిస్తున్నారు.

రొమాంటిక్ కామెడీ ఎంటర్ టైనర్ గా రూపొందుతున్న ఈ చిత్రంలోని చివరి సాంగ్ షూటింగ్ ప్రస్తుతం గోవాలో జరుగుతోంది. ఈ సాంగ్ షూటింగ్ మరో రెండు రోజుల్లో పూర్తి కానుంది. ఇప్పటికే పోస్ట్ ప్రొడక్షన్ కార్యక్రమాలు కూడా ప్రారంభమయ్యాయి. నాని తన పాత్రకు సంబంధించి డబ్బింగ్ మొత్తాన్ని పూర్తి చేసాడు.

ఈ సినిమాలో నాని చాలా కొత్తగా కనిపించనున్నాడు. ఇప్పటికే విడుదలైన ఫస్ట్ లుక్ స్టిల్స్ కు మంచి స్పందన వచ్చింది. ఆగష్టు మొదటి వారంలో ఈ చిత్ర ఆడియో విడుదల చేసి, ఆగష్టు చివరి వారంలో సినిమాను ప్రేక్షకుల ముందుకు తీసుకురావడానికి చిత్ర యూనిట్ సన్నాహాలు చేస్తున్నారు.