కలెక్షన్లలో బాహుబలి కొత్త రికార్డులు

Posted: 07/11/2015 05:34 PM IST

Prabhas baahubali telugu film first day collections

ప్రభాస్ నటించిన ‘బాహుబలి’ చిత్రం ప్రపంచ వ్యాప్తంగా విడుదలయ్యింది. తెలుగు, తమిళం, హిందీ భాషలలో నిన్న ‘బాహుబలి’ చిత్రం గ్రాండ్ గా విడుదలయ్యింది. భారీ అంచనాలతో విడుదలయ్యిన ఈ సినిమా ప్రస్తుతం హౌస్ ఫుల్ తో అన్నిచోట్ల విజయవంతంగా ప్రదర్శించబడుతోంది.

ప్రేక్షకులకు టికెట్లు దొరకక చాలా ఇబ్బంది పడుతున్నారు. థియేటర్ వద్ద బ్లాక్ టికెట్ల హడావిడి మరి దారుణం అయ్యింది. ఇకపోతే ఈ సినిమా విడుదలైన ఒక్కరోజే రికార్డులు క్రియేట్ చేస్తుంది. ఇప్పటివరకు ఏ సినిమాకు రాని ఓపెనింగ్స్.. ఈ సినిమాకు వచ్చాయి.

‘బాహుబలి’ సినిమా విడుదలైన మొదటిరోజు ఆంధ్రప్రదేశ్, తెలంగాణ రాష్ట్రాల్లో మొత్తం 24 కోట్ల రూపాయల షేర్ సాధించి కొత్త రికార్డ్ క్రియేట్ చేసింది. ఇంకా ప్రపంచ వ్యాప్తంగా నిన్న ఒక్కరోజు ఎంత కలెక్షన్లు రాబట్టిందో అతి త్వరలోనే తెలియనుంది. మొత్తానికి బాహుబలి కలెక్షన్ల పరంగా కూడా భారీ రికార్డ్ క్రియేట్ చేయనుందని తెలుస్తోంది.