బాహుబలి టికెట్ల కోసం ‘తోపు’ అని ఫీలయ్యేలా చేసాడట

Posted: 07/08/2015 07:02 PM IST

Celebrities tweets on baahubali movie tickets

ఎస్.ఎస్.రాజమౌళి దర్శకత్వంలో తెరకెక్కిన ఈ చిత్రంలో ప్రభాస్, రానా, తమన్నా, అనుష్క, రమ్యకృష్ణ ప్రధాన పాత్రలలో నటించారు. కీరవాణి సంగీతం అందించారు. ఆర్కా మీడియా సంస్థ భారీ బడ్జెట్ తో ప్రతిష్టాత్మకంగా నిర్మించిన ఈ చిత్రాన్ని తెలుగు, తమిళం, మలయాళం, హిందీ భాషలలో ప్రపంచ వ్యాప్తంగా జులై 10వ తేదిన గ్రాండ్ గా విడుదల చేయనున్నారు.

‘బాహుబలి’ సినిమా కోసం అభిమానులే కాకుండా సినీ ఇండస్ట్రీకి సంబంధించిన సినీతారలు కూడా ఎంతగానో ఎదురుచూస్తున్న విషయం తెలిసిందే. మాములు జనాలకు ‘బాహుబలి’ టికెట్లు దొరకడం చాలా కష్టం అయిపోయింది. కానీ సినిమా వాళ్లకు మాత్రం వెంటనే ఫోన్ చేయగానే ఎన్ని టికెట్లు కావాలంటే అన్ని టికెట్లు వచ్చేస్తాయని అందరూ అనుకుంటూ వుంటారు. మాములుగా ఈ మాట నిజమే కావచ్చు. కానీ ఇక్కడ అన్ని సినిమాలు ఒక ఎత్తు... ‘బాహుబలి’ ఒక ఎత్తు.

‘బాహుబలి’ సినిమా ముందు అందరూ సామాన్య ప్రజలే అయ్యారు. ఆఖరి సినిమా వాళ్లు కూడా ‘బాహుబలి’ సినిమా టికెట్ల కోసం తెగ ప్రయత్నించేస్తున్నారు. ఈ విషయాన్ని ప్రముఖ రచయిత గోపి మోహన్ తన సోషల్ మీడియా ట్విట్టర్ ద్వారా చెప్పుకొచ్చాడు. ‘బాహుబలి’ టికెట్ల కోసం తను ఎలాంటి పరిస్థితిలో వున్నాడో ట్వీట్ చేసాడు.

‘బాహుబలి’ సినిమా టికెట్ల కోసం బంధువులు, స్నేహితుల వద్ద నుంచి చాలా ఒత్తిడి వస్తుంది. సినిమా ఇండస్ట్రీలో రచయితగా చేస్తున్నామ్.. ‘బాహుబలి’ సినిమా టికెట్స్ ఇప్పించలేవా... అంటూ గోపిమోహన్ కు తన వాళ్ల నుంచి ఒత్తిడి వస్తుందంటూ ట్వీట్ చేసారు.

గోపి మోహన్ చేసిన ట్వీట్ పై పలు సినీతారలు స్పందించారు. అందులో నటుడు వెన్నెల కిషోర్ స్పందిస్తూ... గోపి మోహన్... నేనైతే టికెట్లు బ్లాక్ లో కొనిస్తున్నాను. పాపం మా ఫ్యామిలీ అంతా నేనేదో తోపు అనుకుంటున్నారు. వాళ్లకు సింగల్ కాల్ తో టికెట్లు తెప్పించా అని చెప్పినా అంటూ ట్వీట్ చేసారు.

అలాగే ఇదే విషయంపై నటుడు బ్రహ్మాజీ స్పందిస్తూ... ‘వెన్నెల కిషోర్ కాక... బాహుబలి టికెట్స్ ఇప్పించవా ప్లీజ్. అంటూ ట్వీట్ చేసాడు. అలాగే ఈ ఇద్దరి కామెంట్లకు డిజైనర్ నీరజ కోన స్పందిస్తూ... బ్రహ్మాజీ, వెన్నెల కిషోర్... బాహుబలి టికెట్స్ కావాలంటే కిషోర్ ను కాంటాక్ట్ చేస్తే సరిపోతుంది అంటూ ట్వీట్ చేసింది. మరి ఇంకెంత మంది సినీతారలు ‘బాహుబలి’ సినిమా టికెట్ల కోసం ఎదురుచూస్తున్నారో చూడాలి.