నాగశౌర్యతో నందినిరెడ్డి కళ్యాణ వైభోగమే

Posted: 06/26/2015 05:57 PM IST

‘జాదుగాడు’ తర్వాత నాగశౌర్య హీరోగా ‘అలా మొదలైంది’ ఫేం దర్శకురాలు నందిని రెడ్డి దర్శకత్వంలో ఓ చిత్రం తెరకెక్కుతున్న విషయం తెలిసిందే. ‘జబర్దస్త్’ వంటి అట్టర్ ఫ్లాప్ తర్వాత నందినీ రెడ్డి మరో సినిమా తీయలేదు. చాలా కాలం గ్యాప్ తర్వాత తాజాగా నాగశౌర్యతో ఓ సినిమా తీస్తోంది.

ఇటీవలే ప్రారంభమైన ఈ చిత్ర షూటింగ్ అప్పుడే చివరి దశకు చేరుకుంది. శరవేగంగా జరుపుకుంటున్న ఈ చిత్ర షూటింగ్ త్వరలోనే పూర్తి కానుంది. ఇందులో నాగశౌర్య సరసన  ‘ఎవడే సుబ్రమణ్యం’ ఫేం మాళవిక నాయర్ హీరోయిన్ గా నటిస్తుంది. అయితే ఈ చిత్రానికి ఓ చక్కటి తెలుగు పేరును టైటిల్ గా ఖరారు చేసారు.

ఈ చిత్రానికి ‘కళ్యాణ వైభోగమే’ అనే టైటిల్ ను ఖరారు చేసారు. దాదాపు 70% షూటింగ్ పూర్తి చేసుకున్న ఈ చిత్రంలో మరికొన్ని సీన్లు, పాటలు మాత్రమే బాలన్స్ వున్నాయి. ఇందులో నాగశౌర్య రొమాంటిక్ పాత్రలో కనిపించనున్నాడని తెలిసింది. కళ్యాణ్ కోడూరి సంగీతం అందిస్తున్నాడు. త్వరలోనే ఈ చిత్ర వివరాలను అధికారికంగా ప్రకటించనున్నారు.