విక్రమ్ తో ఆవకాయ్ భామ రొమాన్స్

Posted: 06/24/2015 05:15 PM IST

‘ఆవకాయ బిర్యాని’, ‘బంపర్ ఆఫర్’, ‘రామ రామ కృష్ణ కృష్ణ’,  వంటి పలు చిత్రాల్లో నటించిన నటి బిందుమాధవికి ప్రస్తుతం తెలుగులో అవకాశాలు కరువయ్యాయి. దీంతో ఈ అమ్మడు తమిళ సినీ ఇండస్ట్రీని నమ్ముకుంది. అక్కడ బిందుమాధవికి వరుస అవకాశాలు వస్తున్నాయి. తమిళంలో ఈ అమ్మడు నటించిన సినిమాలు విజయం సాధిస్తుండటంతో క్రేజ్ బాగా పెరిగింది.

అయితే తాజాగా ఈ అమ్మడికి ఓ అనుకోని అవకాశం వచ్చింది. తమిళంలో ‘అరిమ నంబి’ (తెలుగులో డైనమైట్) వంటి చిత్రాన్ని తెరకెక్కించిన దర్శకుడు ఆనంద్ శంకర్ దర్శకత్వంలో తమిళ హీరో విక్రమ్ హీరోగా ఓ చిత్రం తెరకెక్కుతోంది. ఇందులో ఫస్ట్ హీరోయిన్ గా కాజల్ ను ఖరారు చేసారు.

సెకండ్ హీరోయిన్ గా ప్రియా ఆనంద్ పేరు వినిపించింది కానీ చివర్లో ఆ అవకాశం బిందు మాధవిని వరించింది. విక్రమ్ సరసన సెకండ్ హీరోయిన్ గా నటించే అవకాశం రావడంతో బిందు మాధవి చాలా సంతోషంగా వుందట. మరి ఈ సినిమా తర్వాత ఈ అమ్మడికి ఎలాంటి అవకాశాలు వస్తాయో చూడాలి.