స్పెయిన్ లో అఖిల్ యాక్షన్ ఇరగదీస్తున్నాడు

Posted: 06/20/2015 01:28 PM IST

ప్రముఖ దర్శకుడు వి.వి.వినాయక్ దర్శకత్వంలో అక్కినేని అఖిల్ హీరోగా ఓ చిత్రం తెరకెక్కుతున్న విషయం తెలిసిందే. శ్రేష్ట్ మూవీస్ బ్యానర్ పై హీరో నితిన్ ఈ చిత్రాన్ని నిర్మిస్తున్నాడు. భారీ అంచనాలతో తెరకెక్కుతున్న ఈ చిత్ర షూటింగ్ ప్రస్తుతం స్పెయిన్ లో జరుగుతుంది.

అక్కడ కొన్ని యాక్షన్ సన్నీవేశాలను, పాటలు మరియు కొన్ని కీలక సన్నివేశాలను తెరకెక్కిస్తున్నారు. తాజాగా స్పెయిన్ షెడ్యూల్ కు సంబంధించిన ఓ మేకింగ్ వీడియోను విడుదల చేసారు. ఇందులో యాక్షన్ సన్నీవేశాలను తెరకెక్కిస్తున్నట్లుగా చూపించారు.

అఖిల్ ను ఈ సినిమాలో కమర్షియల్ స్టైలిష్ యాక్షన్ హీరోగా చూపించబోతున్నారు. అఖిల్ సరసన సయేశా సైగల్ హీరోయిన్ గా నటిస్తుంది. ఈ చిత్రానికి అనూప్ రూబెన్స్ మరియు థమన్ సంగీతం అందిస్తున్నారు. భారీ అంచనాలతో రూపొందుతున్న ఈ చిత్రాన్ని త్వరలోనే ప్రేక్షకుల ముందుకు తీసుకురానున్నారు.