‘డాష్ డాష్’ హీరోయిన్ తో నిఖిల్ రొమాన్స్

Posted: 06/02/2015 04:59 PM IST

Nikhil romance nanditha sankarabharanam movie kona venkat

విభిన్న కథాంశాలతో కూడిన చిత్రాల్లో నటిస్తూ హీరో నిఖిల్ వరుస విజయాలను అందుకుంటున్నాడు. ‘స్వామిరారా’, ‘కార్తికేయ’, ‘సూర్య వర్సెస్ సూర్య’ సినిమాల హ్యాట్రిక్ విజయంతో ఫుల్ జోష్ లో వున్న ఈ యువహీరో.. ప్రస్తుతం ‘శంకరాభరణం’ చిత్రంలో నటించనున్నాడు. క్రైమ్, థ్రిల్లర్ నేపథ్యంలో సాగే ఈ మూవీ త్వరలోనే సెట్స్ పైకి వెళ్లనుంది. ఇక ఈ చిత్రంలో నిఖిల్ కి జోడీగా కొంతమంది కథానాయికలను యూనిట్ బృందం పరిశీలించింది. అయితే.. చివరికి ఈ అవకాశం ‘నందిత’ను వరించింది.

‘నీకు నాకు డాష్ డాష్’ చిత్రంతో తెలుగుతెరకు పరిచయమైన నందిత.. ‘ప్రేమ కథా చిత్రం’తో విజయాన్ని సొంతం చేసుకుంది. ఆ మూవీతో మంచి నటిగా గుర్తింపు పొందిన ఈ అమ్మడికి.. వరుసగా ఆఫర్లు రావడం మొదలయ్యాయి. ప్రస్తుతం ‘కృష్ణమ్మ కలిపింది ఇద్దరినీ’ సినిమాలో నటిస్తున్న నందిత.. తాజాగా ‘శంకరాభరణం’ సినిమాలో నాయికగా ఎంపికైంది. క్రైమ్ కామెడీ కథాంశంతో తెరకెక్కనున్న ఈ సినిమాను కోన వెంకట్ నిర్మాణంలో ఉదయ్ నందనవనం దర్శకత్వం వహిస్తున్నారు. ఈ నెల 15వ తేదీ నుంచి ఈ సినిమా షూటింగ ప్రారంభం కానుంది.

ఇదిలావుండగా.. హ్యాట్రిక్ విజయంతో ఫుల్ జోష్ లో వున్న హీరో నిఖిల్.. ఈ ‘శంకరాభరణం’ కూడా తన విజయాల జాబితాలో చోటు సంపాదించుకుంటుందని పూర్తి విశ్వాసంతో వున్నట్లు తెలుస్తోంది. అటు.. నందిత కూడా ఈ చిత్రం తన కెరీర్ కి మరింత హెల్ప్ అవుతుందని భావిస్తోంది. మరి.. వీరిద్దరి ఆశలు నెరవేరుతాయో లేదో వేచి చూడాల్సిందే!