వారెవ్వా జగ్గుభాయ్ లుక్ అదుర్స్... మహేష్ ను ఢీకొట్టే మరో శ్రీమంతుడు!

Posted: 04/16/2015 12:47 PM IST

స్టార్ హీరో జగపతి బాబు ఇటీవలే ‘లెజెండ్’ చిత్రంతో క్యారెక్టర్ ఆర్టిస్ట్ గా మారిన విషయం తెలిసిందే. ‘లెజెండ్’ సినిమాలో జగపతి నటనకు విమర్శకుల ప్రశంసలు దక్కాయి. ఆ తర్వాత జగపతి పలు చిత్రాల్లో క్యారెక్టర్ ఆర్టిస్టుగా నటిస్తున్నాడు.

ప్రస్తుతం మహేష్ హీరోగా నటిస్తున్న ‘శ్రీమంతుడు’(వర్కింగ్ టైటిల్) చిత్రంలో జగపతి బాబు ఓ ప్రధాన పాత్రలో నటిస్తున్న విషయం తెలిసిందే. అయితే ఇందులో జగపతి బాబు ఏ పాత్రలో నటించబోతున్నాడనే విషయం ఇంకా తెలియరాలేదు. తాజాగా ఈ సినిమాలోని తన లుక్ కు సంబంధించిన ఓ ఫోటోను జగపతిబాబు తన సోషల్ మీడియా ఫేస్ బుక్ అకౌంట్ ద్వారా విడుదల చేసారు.

జగపతి ఈ లుక్ లో చాలా స్టైలిష్ గా కనిపిస్తున్నాడు. ఈ లుక్ చూస్తుంటే మహేష్ కు ఢీ కొట్టే మరో శ్రీమంతుడిగా జగపతి పాత్ర వుండబోతున్నట్లుగా కనిపిస్తుంది. త్వరలోనే అన్ని వివరాలు అధికారికంగా ప్రకటించనున్నారు. కొరటాల శివ దర్శకత్వంలో తెరకెక్కుతున్న ఈ చిత్రాన్ని మైత్రి మూవీస్ సంస్థ నిర్మిస్తున్నారు.

మహేష్ సరసన శృతిహాసన్ హీరోయిన్ గా నటిస్తుంది. దేవిశ్రీప్రసాద్ సంగీతం అందిస్తున్నాడు. ఈ చిత్ర ఫస్ట్ లుక్ ఫోటోలు, పోస్టర్లు, టైటిల్ లోగో, టీజర్లను మే 31 సూపర్ స్టార్ కృష్ణ పుట్టినరోజున విడుదల చేయనున్నారు. జూన్ మొదటి వారంలో చిత్రాన్ని ప్రేక్షకుల ముందుకు తీసుకురానున్నారు.