మే 15న శివ డిజిటల్ వర్షెన్ విడుదల

Posted: 04/10/2015 03:52 PM IST

అక్కినేని నాగార్జునకు కమర్షియల్ గా మాస్ హీరో క్రేజ్ ను తెచ్చిపెట్టిన చిత్రం ‘శివ’. ఈ సినిమాతోనే రాంగోపాల్ వర్మకు లక్కు కలిసొచ్చి డైరెక్టర్ గా పేరొచ్చిందంటూ అందరూ అంటున్న విషయం తెలిసిందే. ఈ సినిమాలో నాగార్జున సైకిల్ చైన్ వాడిన ఆ సీన్ ఇప్పటికీ అలరిస్తూనే వుంది. అలాగే ఈ సినిమాలో నాగార్జున, అమలా జంటగా నటించారు.

25 వసంతాలు పూర్తి చేసుకున్న ఈ చిత్రం మరోసారి ప్రేక్షకుల ముందుకు రాబోతుంది. ‘శివ’ చిత్రాన్ని డిజిటల్ వర్షెన్ లో సిద్ధం చేసి, మరోసారి తెలుగు సినీ ప్రేక్షకులకు అందించనున్నారు చిత్ర యూనిట్. ‘శివ is Back’ పేరుతో ఈ చిత్రాన్ని డిజిటల్ వర్షెన్ లో విడుదల చేస్తున్నారు. ఈ చిత్రాన్ని మే 15న విడుదల చేయనున్నారు. మరి ఈసారి ‘శివ’ ఎలాంటి విజయం సాధించనుందో త్వరలోనే తెలియనుంది.