నేడే నాగచైతన్య దోచేయ్ పాటల సందడి

Posted: 04/10/2015 11:50 AM IST

అక్కినేని నాగచైతన్య నటిస్తున్న తాజా చిత్రం ‘దోచేయ్’. కృతిసనన్ హీరోయిన్ గా నటిస్తుంది. ‘స్వామిరారా’ ఫేం సుధీర్ వర్మ దర్శకత్వంలో తెరకెక్కుతున్న ఈ చిత్రానికి సన్నీ.ఎం.ఆర్ సంగీతం అందిస్తున్నారు. ఇటీవలే విడుదలైన ఆడియో టీజర్లకు మంచి స్పందన వస్తోంది.

ఈ చిత్ర ఆడియోను ఈనెల 3న విడుదల చేయాలని అనుకున్నారు. కానీ కొన్ని అనివార్య కారణాల వలన వాయిదా వేసారు. అయితే తాజాగా ఈ చిత్ర ఆడియో విడుదల కార్యక్రమాన్ని నేడు హైదరాబాద్ లోని తాజ్ డెక్కన్ లో జరుపనున్నారు. ఈ కార్యక్రమానికి అక్కినేని నాగార్జున కుటుంబసభ్యులు విచ్చేయనున్నారు.

హీరోయిన్ మధురిమ ఓ స్పెషల్ సాంగ్ లో నటించింది. ఈరోజే థియేటర్ ట్రైలర్ ను కూడా విడుదల చేయనున్నారు. శ్రీ వెంకటేశ్వర సినీచిత్ర బ్యానర్లో నిర్మాత బి.వి.ఎస్.ఎన్.ప్రసాద్ నిర్మిస్తున్నారు. త్వరలోనే ఈ చిత్రాన్ని ప్రేక్షకుల ముందుకు తీసుకురానున్నారు.