బాహుబలికి గుమ్మడికాయ... సంబరాల్లో చిత్ర యూనిట్

Posted: 04/08/2015 10:09 AM IST

ప్రముఖ దర్శకుడు ఎస్.ఎస్.రాజమౌళి దర్శకత్వంలో ప్రభాస్, రానా, అనుష్క, తమన్నా ప్రధాన పాత్రలలో నటిస్తున్న భారీ చిత్రం ‘బాహుబలి’. గత రెండేళ్లుగా తెరకెక్కుతున్న ఈ భారీ ప్రాజెక్టుకు తాజాగా గుమ్మడికాయ కొట్టేశారు. ‘బాహుబలి’ చిత్రానికి సంబంధించిన మొదటి భాగం షూటింగ్ మొత్తం పూర్తవడంతో నిన్న గుమ్మడికాయ కొట్టేశారు.

ఇందుకు సంబంధించిన ఫోటోలను సోషల్ మీడియా ద్వారా విడుదల చేసారు. భారీ అంచనాలతో రూపొందుతున్న ఈ చిత్రానికి కీరవాణి సంగీతం అందిస్తున్నారు. మే నెలలో ఆడియో విడుదల చేసి, జూన్ నెలలో సినిమాను ప్రపంచ వ్యాప్తంగా విడుదల చేయనున్నారు. ప్రస్తుతం పోస్ట్ ప్రొడక్షన్ పనులు శరవేగంగా జరుగుతున్నాయి.

భారీ బడ్జెట్ తో రూపొందుతున్న ఈ చిత్రాన్ని ఆర్కా మీడియా వర్క్స్ సంస్థ నిర్మిస్తున్నారు. ఇప్పటికే విడుదలైన మేకింగ్ వీడియోలకు భారీ రెస్పాన్స్ వచ్చింది. మరి ఈ చిత్ర థియేటర్ ట్రైలర్ ను ఎప్పుడు విడుదల చేస్తారో చూడాలి.