‘హమామ్ గాళ్’గా మారిన సమంతా!

Posted: 03/19/2015 10:35 AM IST

గ్లామర్ డాల్ సమంత ఓవైపు సినిమాలు చేస్తూ.. మరోవైపు కొన్ని ప్రైవేట్ బ్రాండ్లకు అంబాసిడర్ గా వ్యవహరిస్తూ బిజీగా వుంటోంది. ఇప్పటికే ఈ అమ్మడి చేతిలో లెక్కలేనన్ని బ్రాండ్ లు వున్నాయి. వాటన్నింటికి ప్రచారకర్తగా వ్యవహరిస్తూ బాగానే డబ్బులు వెనకేసుకుంది.

ఇప్పుడు తాజాగా ఈ అమ్మడు మరో బ్రాండ్ కి అంబాసిడర్ గా వ్యవహరిస్తున్నట్లు సమాచారం! పైగా.. ఈ విషయాన్ని ఈ అమ్మడే ట్విటర్ లో వెల్లడించింది.గతంలో ‘లక్స్’ సోప్ కి బ్రాండ్ అంబాసిడర్ గా వ్యవహరించిన సమంత.. ఇప్పుడు మరో సోప్ ‘హమామ్’తో ఎండార్స్ మెంట్ చేసుకుంది. ‘ఇప్పుడు నేను న్యూ హమామ్ గాళ్’ని అంటూ ఈ చిన్నది తన ట్విటర్ లో ట్వీట్ చేసింది. దీంతో స్టార్ పొజిషన్ లో వున్న ఈ అమ్మడు.. తన ఇమేజ్ ని బాగానే క్యాష్ చేసుకుంటోందని విశ్లేషకులు చెప్పుకుంటున్నారు.

ఇదిలావుండగా.. సమంతా నటించిన తాజా తెలుగు చిత్రం ‘సన్నాఫ్ సత్యమూర్తి’ విడుదలకు సిద్ధంగా వుంది. ఈ మూవీ తప్ప తెలుగులో ఈమెకు మరే ఆఫర్లు లేవు. అయితే.. తమిళంలో మాత్రం ఈ అమ్మడి చేతిలో రెండుమూడు భారీ సినిమాలే వున్నాయి. షూటింగ్ జరుపుకుంటున్న ఆ మూవీలో ఈ ఏడాదిలోనే విడుదల కానున్నాయి.