నాగశౌర్య జాదుగాడు ఫస్ట్ లుక్

Posted: 03/09/2015 06:27 PM IST

‘లక్ష్మీ రావే మా ఇంటికి’ తర్వాత హీరో నాగౌశర్య నటిస్తున్న తాజా చిత్రం ‘జాదుగాడు’. ఈ చిత్ర ప్రీ ఫస్ట్ లుక్ పోస్టర్ ను ఇటీవలే విడుదల చేసారు. హీరో ఎవరో తెలియకుండా కేవలం టైటిల్ తో కూడిన ఓ పోస్టర్ ను, హీరో ఎవరో కనిపెట్టండి అంటూ విడుదల చేసారు.

అయితే తాజాగా ఈ చిత్ర ఫస్ట్ లుక్ పోస్టర్ ను విడుదల చేసారు. ఇందులో నాగశౌర్య చాలా స్టైలిష్, యాక్షన్ హీరోలా కనిపిస్తున్నాడు. లుక్స్ పరంగా చాలా బాగున్నాడు. మరి ఈ సినిమాలో ఎలా కనిపించనున్నాడో త్వరలోనే తెలియనుంది. ఇంతకు ముందు నాగశౌర్య ప్రేమికుడిగా నటించి ఫ్యామిలీ ఆడియెన్స్ ని ఆకట్టుకున్న నాగశౌర్య.. ఇప్పుడు ‘జాదుగాడు’తో యాక్షన్ రూట్ లోకి ఎంటర్ అయ్యాడు.

ఈ చిత్రానికి ‘చింతకాయల రవి’ ఫేం యోగేష్ దర్శకత్వం వహిస్తున్నారు. చిత్ర షూటింగ్ దాదాపు పూర్తి చేసుకుంది. సత్య ఎంటర్ టైన్మెంట్స్ బ్యానర్లో నిర్మాత వి.వి.ఎన్.ప్రసాద్ నిర్మిస్తున్నారు. సాగర్ మహతీ సంగీతం అందిస్తున్నాడు. ఈ మూవీకి సంబంధించి త్వరలోనే మరిన్ని వివరాలు వెల్లడికానున్నాయి.