మే 15న ఆకాష్ ఆంధ్రాపోరి విడుదల

Posted: 03/03/2015 11:56 AM IST

ప్రముఖ దర్శకుడు పూరీ జగన్నాథ్ తనయుడు ఆకాష్, ఉల్కాగుప్తా ప్రధాన పాత్రలలో నటిస్తున్న చిత్రం ‘ఆంధ్రాపోరి’. ఈ చిత్రానికి రాజ్ ముదిరాజు దర్శకత్వం వహిస్తున్నారు. ఈ చిత్ర షూటింగ్ ఇటీవలే పూర్తయ్యింది.

ఈ చిత్ర వివరాల గురించి దర్శకుడు రాజ్ ముదిరాజు తెలియజేస్తూ... ఈ సినిమాను ప్రసాద్ ప్రొడక్షన్స్ బ్యానర్ నిర్మించేందుకు ముందుకొచ్చి ప్రోత్సహించారు. మంచి కథాంశంతో, అందరి సహాకారంతో పాల్వాంచలో ఈ చిత్ర షూటింగ్ పూర్తి చేశామని తెలిపారు.

ప్రస్తుతం ఈ చిత్ర పోస్ట్ ప్రొడక్షన్ పనులు జరుగుతున్నాయి. ‘ఆంధ్రాపోరి’కి సంబంధించిన మిగతా అన్ని కార్యక్రమాలు పూర్తయ్యాక మే 15న విడుదల చేయనున్నట్లుగా తెలిపారు. ఆకాష్, ఉల్కాగుప్తాలు అద్భుతంగా నటించారని, జోషిబట్ల సంగీతం అందించారని తెలిపారు.