నిత్యామీనన్ కన్మణి ట్రైలర్ సూపర్బ్

Posted: 03/02/2015 12:14 PM IST

ప్రముఖ దర్శకుడు మణిరత్నం దర్శకత్వంలో తెరకెక్కుతున్న తాజా తమిళ చిత్రం ‘ఓకే కన్మణి’. ఈ చిత్రాన్ని తెలుగులో ‘ఓకే బంగారం’ పేరుతో విడుదల చేయనున్నారు. దుల్కర్ సల్మాన్, నిత్యా మీనన్ లు హీరోహీరోయిన్లుగా నటిస్తున్న ఈ చిత్ర ట్రైలర్ ను తాజాగా విడుదల చేసారు.

ఈ ట్రైలర్ కు మంచి రెస్పాన్స్ వస్తోంది. గతంలో మణిరత్నం దర్శకత్వంలో వచ్చిన ‘సఖి’ సినిమా తరహాలోనే ఓ చక్కని ప్రేమకథా చిత్రంగా వుండబోతుందనే అంచనాలు నెలకొన్నాయి. త్వరలోనే తెలుగు వర్షెన్ ట్రైలర్ ను విడుదల చేయనున్నారు.

తమిళంలో తమ సొంత నిర్మాణ సంస్థ మద్రాస్ టాకీస్ పతాకంపై సుహాసిని మణిరత్నం, మణిరత్నంలు ఈ చిత్రాన్ని నిర్మిస్తున్నారు. ఈ చిత్ర షూటింగ్ దాదాపు చివరి దశకు చేరుకుందని, నిర్మాణాంతర కార్యక్రమాలు కూడా మొదలయ్యాయి. ఏప్రిల్ నెలలో సినిమాను విడుదల చేయడానికి సన్నాహాలు చేస్తున్నారు.