రాంచరణ్ కొత్త సినిమా తేది, హీరోయిన్ ఫిక్స్

Posted: 02/16/2015 10:31 AM IST

Ram charan srinuvaitla movie launch date

మెగాపవర్ స్టార్ రాంచరణ్ హీరోగా శ్రీనువైట్ల దర్శకత్వంలో ఓ చిత్రం రూపొందనున్న విషయం తెలిసిందే. ‘మై నేమ్ ఈజ్ రాజు’(వర్కింగ్ టైటిల్). ప్రముఖ రచయితలు కోనవెంకట్, గోపి మోహన్ లు కలిసి కథ, మాటలు అందిస్తున్నారు. ప్రస్తుతం ఈ చిత్రానికి సంబంధించిన ప్రీ ప్రొడక్షన్ పనులు జరుగుతున్నాయి.

ప్రముఖ నిర్మాత డి.వి.వి.దానయ్య డి.వి.వి. ఎంటర్టైన్మెంట్స్ పతాకంపై నిర్మించనున్నారు. ఇందులో చరణ్ సరసన రకూల్ ప్రీత్ సింగ్ హీరోయిన్ గా నటించనుంది. ప్రముఖ తమిళ యువ సంగీత దర్శకుడు అనిరుధ్ సంగీతం అందించనున్నారు. ఈ చిత్రాన్ని మార్చి 5న ప్రారంభించనున్నారు.

ఈ సినిమా గురించి నిర్మాత దానయ్య మాట్లాడుతూ... హిట్ చిత్రాల కాంబినేషన్ శ్రీనువైట్ల, కోనవెంకట్, గోపిమోహన్ ల కలయికలో రాబోతుంది. కోన వెంకట్, గోపిమోహన్ లు కథను అందిస్తున్నారు. చరణ్ సరసన రకూల్ ప్రీత్ సింగ్ నటిస్తోందని చెప్పుకొచ్చారు.

ఈ సినిమా మార్చి 5న లాంఛనంగా ప్రారంభం కాబోతుంది. అలాగే మార్చి 16 నుంచి రెగ్యులర్ షూటింగ్ ప్రారంభం కానుంది. ఈ సినిమాను త్వరగా పూర్తి చేసి, అక్టోబర్ 15న విడుదల చేయడానికి సన్నాహాలు చేస్తున్నారు. మరిన్ని వివరాలు మార్చి 5న తెలియనున్నాయి.