నితిన్ తో పెళ్లికి చిన్నది రెడి

Posted: 01/17/2015 08:42 AM IST

వెతకబోయిన తీగ కాలికి తగిలినట్లుగా.., నితిన్ పెళ్లి కోసం కుటుంబ సభ్యులు అమ్మాయిని వెతుకుతుండగా.., ఓ అమ్మయే హీరోను పెళ్ళి చేసుకుంటానని వచ్చింది. ధైర్యం చేసి ఇంట్లోకి కూడా ప్రవేశించింది. అయితే కుటుంబ సభ్యులు ఆమెను పోలిసులకు అప్పగించారు. ఈ విషయంపై పూర్తి డిటేల్స్ చూస్తే.. జూబ్లీహిల్స్ లోని నితిన్ ఇంట్లోకి సెక్యురిటీ గార్డుల కళ్ళుగప్పి గురువారం రాత్రి ఓ అమ్మాయి ప్రవేశించింది. రాత్రంతా వరండాలో పడుకుంది.

తెల్లవారుజామున నిద్ర లేచిన నితిన్ తల్లి యువతిని గమనించి, నిద్ర లేపింది. ఎవరని ప్రశ్నించటంతో.., ‘నేను నితిన్ అభిమానిని ఆయన కోసమే ఇక్కడకు వచ్చాను, ఆయన్ను పెళ్లి చేసుకుంటాను’ అని చెప్పింది. దీంతో నితిన్ తల్లి పోలీసులకు సమాచారం ఇవ్వగా.., జూబ్లీ హిల్స్ పోలిసులు ఇంటికి చేరుకుని యువతిని అదుపులోకి తీసుకున్నారు. ఆమెను విచారించగా.., తాను ఓ పోలిస్ ఆఫీసర్ కూతురును అని చెప్పింది. ‘నితిన్ ను ప్రేమిస్తున్నాను, ఆయన లేకపోతే జీవించలేను’అని పోలిసులతో కూడా చెప్పింది.

యువతిని స్టేషన్ కు తరలించిన పోలిసులు కౌన్సిలింగ్ ఇచ్చారు. మరోసారి ఇలా చేస్తే బాగుండదు అని హెచ్చరించి ఇంటికి పంపించేశారు. అటు ఈ ఘటనపై కేసు నమోదు చేసి ధర్యాప్తు చేస్తున్నారు. నితిన్ నిద్ర లేవక ముందే ఈ మొత్తం తతంగం ముగియటంతో.., ఆమె ఎవరనేది హీరోకు తెలియలేదు. గతంలో కూడా కొందరు హీరోయిన్లను, హీరోలను పెళ్లి చేసుకుంటామని, ప్రేమిస్తున్నామని అభిమానులు వెంటపడిన విషయం తెలిసిందే.