ఇంక వాటితోనే ఉంటాడా

Posted: 09/30/2014 12:23 PM IST

టాలీవుడ్ హీరోలు సెంటిమెంట్ ఎక్కువగా ఫాలో అవుతారని అందరికి తెలుసు. విక్టరీ వెంకటేష్ కూడా ఇందుకు అతీతుడు ఏం కాదు అని నిరూపిస్తున్నాడు. ఒకానొక సమయంలో ఫ్యామిలి సినిమాలు వరుసపెట్టి తీశాడు. ఆ తర్వాత లవ్ ఓరియంటెడ్ సినిమాలు తీశాడు. మొన్నామద్య కామెడికి ప్రాధాన్యం ఇచ్చే సినిమాల్లో నటించాడు. ప్రతి దాంట్లో విక్టరీని సాధించి.., దాన్నే తన ఇంటిపేరుగా మలుచుకున్న వెంకీ ప్రస్తుతం రీమేక్ సినిమాలపై పడ్డట్లు తెలుస్తోంది. ఈ మద్య వచ్చిన రీమేక్  సినిమా ‘దృశ్యం’ హిట్ కావటంతో అలాంటి కధలను ఎంకరేజ్ చేసే పనిలో పడ్డాడట.

ఇది ఎందుకు చెప్తున్నామంటే.., ప్రస్తుతం విక్టరి వెంకి చేస్తున్న ‘గోపాల గోపాల’ కూడా రీమేక్ సినిమానే. హిందీలో హిట్ అయిన ‘ఓ మై గాడ్’ సినిమా ఆధారంగా గోపాలుడు తెరకెక్కుతున్నాడు. దీనికి తోడు ‘సీతమ్మ వాకిట్లో సిరిమల్లె చెట్టు’ సినిమా తర్వాత ఆయన చేస్తున్న రెండవ మల్టీస్టారర్ మూవీ ఇది. ఆ సినిమాకు వచ్చిన హిట్ టాక్ ‘గోపాల గోపాల’కు వస్తుందని సెంటిమెంట్ అట. ఈ సినిమాలో పవర్ స్టార్ పవన్ కళ్యాణ్ నటిస్తున్నాడనే విషయం తెలిసిందే. ఇక ఇప్పుడున్న మ్యాటర్ లోకి వస్తే.., త్వరలో వెంకటేష్ తీయబోయే సినిమాలు కూడా రీమేక్ ఉండేలా చూసుకుంటున్నాడట.

ప్రస్తుతం ప్రయోగాత్మక సినిమాలు చేస్తున్న వెంకీ.., పలు కధలను కూడా వింటున్నాడు. వీటిలో రీమేక్ సినిమాలు అయితే చాలా బాగా ఆసక్తి చూపిస్తున్నట్లు ఫిలింనగర్ వర్గాలు అనుకుంటున్నాయి. అంటే త్వరలో ఫ్యామిలీ లవర్ బాయ్ హీరో నుంచి మరిన్ని రీమేక్ సినిమాలు చూస్తామన్నమాట. ఆల్ ది బెస్ట్ టు రీమేక్ హీరో. ఇందులో కూడా విక్టరీ సాధించాలని కోరుకుందాం. కాకపోతే సొంత కధలను కూడా కాస్త పట్టించుకుంటే మంచిది.

కార్తిక్