చిరు ఫ్యామిలీతో పవన్ కూతురు :: ఫొటోలు

Posted: 09/17/2014 06:46 PM IST

చిరంజీవి కుటుంబంతో పవన్ కు అంతగా సఖ్యత లేదని కొద్దికాలంగా మీడియాలో తెగ కధనాలు, ఊహాగాన ప్రచారాలు జరుగుతున్నాయి. అయితే అవకాశం వచ్చిన ప్రతి సారి మెగా ఫ్యామిలీ తామంతా ఒక్కటే అని చాటుతోంది. సోమవారం జరిగిన ఆడియో విడుదల సమయంలో కూడా పవన్ త్వరలోనే వస్తాడని చిరంజీవి చెప్పటం జరిగింది. అయితే వీరి కుటుంబాలకు సంబంధించి ఇప్పుడో ఫొటో నెట్ లో హల్ చల్ చేస్తోంది. అదే పవన్ కూతురు ఆద్య చిరుంజీవి కలిసి దిగినది. ప్రస్తుతం ఈ ఫొటో కోసం మెగా అభిమానులు నెట్లో, సోషల్ నెట్వర్క్ సైట్లలో తెగ వెతుకుతున్నారు.

చరణ్ తాజా సినిమా ‘గోవిందుడు అందరివాడేలే’ షూటింగ్ చూసేందుకు ఓ రోజు భార్యతో కలిసి చిరంజీవి స్పాట్ కు వచ్చాడు. అక్కడ చిరంజీవితో కలిసి ఓ అమ్మాయి ముచ్చటించింది. మెగాస్టార్ ఒళ్లో కూర్చోబెట్టుకుని షూటింగ్ చూసాడు. అటు మెగా స్టార్ భార్య సురేఖ కూడా కాసేపు ముచ్చటించి దగ్గరకు తీసుకుని పలకరించింది. సినిమా మేకింగ్ వీడియోలో ఈ సన్నివేశం కూడా పెట్టగా.., వీడియో చూసిన కొందరు మీడియా మిత్రులు వెంటనే గుర్తు పట్టేశారు. ఇంతకీ ఆ అమ్మాయి ఎవరంటే పవన్ కళ్యాణ్ కూతురు ఆద్య. ప్రస్తుతం రేణు పవన్ విడిపోయినా.., వారి పిల్లలు కొద్దికాలం పూణేలో తల్లి వద్ద ఉంటూ., కొద్ది రోజుల పాటు తండ్రి దగ్గర ఉండేందుకు హైదరాబాద్ వస్తున్నారు. అలా ఈ మద్య ఆద్య హైదరాబాద్ కు వచ్చినపుడు అన్నయ్య సినిమా షూటింగ్ స్పాట్ కు వచ్చి పెదనాన్నతో ఆప్యాయంగా ముచ్చటించింది. అటు మెగాఫ్యామిలీ కూడా చిన్నారిని దగ్గరకు తీసుకుని ప్రేమను చూపించారు. మెగా ఫ్యామిలీలో మద్య విభేదాలు లేవని ఈ ఫొటో నిజం చేస్తుందని ఫ్యాన్స్ అంటున్నారు.

కార్తిక్