ప్రస్తుత ఆంధ్రప్రదేశ్ రాష్ట్రానికి ముఖ్యమంత్రిగా వ్యవహరిస్తున్న నారా చంద్రబాబునాయుడు.. ఒక్కసారిగా ఆయన పాలిటిక్స్ నుంచి తన దృష్టిని ఒక రౌడీ ఫెలో మీద కేటాయించినట్లు తెలుస్తోంది. అతని కోసం ఆయన అప్పుడే హంగామా మొదలుపెట్టినట్టు జోరుగా ప్రచారాలు సాగుతున్నాయి. దీంతో ఈ వార్త ప్రస్తుతం సంచలనంగా మారింది. చంద్రబాబు ఎందుకు ఒక రౌడీ కోసం ఇలా తర్జనభర్జన పడుతున్నారు..? అసలు ఎవరా రౌడీ..? ఇన్నాళ్లవరకు తెరమీదకు రాని అతని పేరు.. ఇంత సడెన్ గా ఎందుకు వచ్చిందంటూ సందేహాల్లో మునిగిపోయారు. అయితే ఆ రౌడీ ఫెలో మరెవరో కాదు.. బాబుగారి మేనల్లుడు ‘‘నారా రోహిత్’’!
ఎన్నో భారీ అంచనాలతో ప్రేక్షకుల ముందుకు వచ్చిన ‘‘ప్రతినిధి’’ మూవీ డిజాస్టర్ కావడంతో ఫ్లాప్ హీరోగా ముద్రవేసుకున్న నారా రోహిత్... ఎలాగైనా తన ఖాతాలో ఒక విజయాన్ని వేసుకోవాలనే ఉద్దేశ్యంతో తన తాజా మూవీకి సంబంధించి చాలా జాగ్రత్తలు తీసుకుంటున్నాడు. అందుకే.. చాలా గ్యాప్ తర్వాత అతను దర్శకుడు కృష్ణచైతన్యతో కలిసి ఓ వెరైటీ కథాంశంతో ‘‘రౌడీ ఫెలో’’గా తెరముందుకు రాబోతున్నాడు. యాక్షన్, కామెడీ, ఫ్యామిలీ ఎంటర్టైన్ మెంట్స్ తో కూడిన అన్ని ఎలిమెంట్స్ ను ఇందులో జోడించినట్లు ఇండస్ట్రీ వర్గాలు తెలుపుతున్నాయి. ఈ మూవీలో హీరోయిన్ గా విశాఖ సింగ్ నటిస్తోంది. ఇప్పటికే దాదాపు ఈ మూవీ షూటింగ్ చివరి దశకు చేరుకుంది. ప్రస్తుతం చివరి షెడ్యూల్ హైదరాబాద్ ల్ జరుగుతోంది. సెప్టెంబర్ 13వ తేదీ వరకు జరుగనున్న ఈ షెడ్యూల్లో రెండు పాటలను షూట్ చేస్తున్నారు.
ఇదిలావుండగా.. ఈ మూవీ ఆడియోను చాలా గ్రాండ్ గా విడుదల చేయాలనే ప్లాన్ చేస్తున్నారు. తాజా సమాచారం ప్రకారం.. సెప్టెంబర్ 13వ తేదీన జెఆర్సీ కన్వెన్షన్ హాల్ లో జరగనున్న ఈ వేదికకు ముఖ్య అతిథిగా ఆంధ్రసీఎం చంద్రబాబునాయుడు హాజరుకానున్నారని తెలుస్తోంది. (‘‘ప్రతినిధి’’ ఆడియో వేడుకకు కూడా బాబు హాజరయ్యారు.) అలాగే మరికొంతమంది సినీప్రముఖులు కూడా ఇందుకు హాజరయ్యే అవకాశం వుంది. ఈ మూవీలో ముఖ్యమైన విషయం ఏమిటంటే.. ఇందులో ఎన్టీఆర్ పాటను రీమిక్స్ చేశారు. ‘‘భలే తమ్ముడు’’లోని ‘‘ఎంతవారుగాని.. వేదాంతులైనాగాని.. వాలు చూపు తాకగానే’’ పాటను ‘‘రౌడీ ఫెలో’’ సినిమాకు ప్రత్యేక ఆకర్షణగా నిలవనుందని దర్శకనిర్మాతలు వెల్లడిస్తున్నారు.
కృష్ణచైతన్య దర్శకుడిగా పరిచయం కాబోతున్న ఈ మూవీని మూవీమిల్స్ పతాకంపై ప్రకాష్ రెడ్డి నిర్మిస్తున్నారు. పరుచూరి వెంకటేశ్వరరావు, పోసాని కృష్ణమురళి ప్రధాన పాత్రలు పోషిస్తున్నారు. ఇప్పటికే టాకీ పార్ట్ మొత్తం పూర్తి చేసుకున్న ఈ మూవీకి సన్నీ సంగీతం అందిస్తున్నాడు. ఈ మూవీ మీద నారారోహిత్ ఎన్నో ఆశలు పెట్టుకున్నాడు. ఈ మూవీ ఫస్ట్ లుక్ కు ఇప్పటికే ప్రేక్షకుల నుంచి మంచి స్పందన లభించింది. దీంతో ఎలాగైనా విజయం సాధించాలనుకుంటున్నాడు. అటు విశాఖసింగ్ కూడా ఈ సినిమాతో టాలీవుడ్ లో పాగా వేయాలని ప్లాన్ చేస్తోంది.
AS
(And get your daily news straight to your inbox)
Oct 08 | పాన్ ఇండియా స్టార్ ప్రభాస్ బాహుబలి సిరీస్ చిత్రాల తరువాత అలాంటి హిట్ ఇప్పటివరకు అందుకోకపోవడం ఆయన అభిమానుల్లో కలవరాన్ని రాజేస్తోంది. సాహో కలెక్షన్ల పరంగా ఫర్వాలేదని అనిపించినా.. ఆ తరువాత వచ్చిన రాధేశ్యామ్... Read more
Oct 08 | టాలీవుడ్ స్టార్ కమెడియన్ వెన్నెల కిశోర్ తెలుగు సినీపరిశ్రమలో తన జోరు చూపుతున్నాడు. తెలుగు చిత్రపరిశ్రమకు పరిచయమైన సీనియర్ కమేడియన్ అయినా.. ఇప్పటికీ యంగ్ లుక్ తో మంచి టైమింగ్, హావభావాల ప్రకటనలతో రాణిస్తున్నాడు.... Read more
Oct 08 | మెగాస్టార్ చిరంజీవి ప్రధానపాత్రలో తెరకెక్కిన 'గాడ్ ఫాదర్' చిత్రం ఈ నెల 5న విడుదలై విజయవంతంగా ప్రదర్శితమవుతోంది. ఈ సినిమాలో బాలీవుడ్ సూపర్ స్టార్ సల్మాన్ ఖాన్ 'మసూద్ భాయ్' అనే పవర్ ఫుల్... Read more
Oct 08 | ప్రముఖ దర్శకుడు మణిరత్నం మానసపుత్రిక అయిన పోన్నియన్ సెల్వన్ ప్రాజెక్టును ఎట్టకేలకు ఆయన తెరకెక్కించిన విషయం తెలిసిందే. అయితే రెండు భాగాలుగా ఈ చిత్రం రూపొందుతున్న విషయం తెలిసిందే. అయితే ఈ చిత్రం తొలిభాగం... Read more
Oct 08 | తమిళంలో హిట్ అయిన చిత్రాలు రీమేక్ గా తెలుగులో తెరకెక్కి హిట్ సాధించడం సాధరణంగా మారిపోయింది. ఈ క్రమంలో మొదటి నుంచి విభిన్నమైన కథలను .. విలక్షణమైన పాత్రలను ఎంచుకుంటూ.. నటిస్తున్న యంగ్ హీరో... Read more