చెర్రీ ‘‘మరణమృదంగం’’ వాయిస్తాడా..?

Posted: 07/21/2014 02:24 PM IST

(Image source from: Ram Charan Next movie Maranamrudangam in srinu vaitla direction)

ప్రస్తుతం ‘‘గోవిందుడు అందరివాడేలే’’ సినిమాతో ఫుల్ బిజీగా వున్న రామ్ చరణ్ తేజ.... ‘‘దూకుడు’’ సినిమాతో తన సత్తాను చాటుకుని వరుస విజయాలను అందుకుంటూ స్టార్ డైరెక్టర్ గా ఎదిగిన శ్రీనువైట్లతో కలిసి మరో సినిమా చేయనున్నట్టు తాజా వార్తలు వినబడుతున్నాయి. ప్రముఖ రచయిత యండమూరి వీరేంద్రనాథ్ గారు రాసిన నవల ‘‘మరణమృదంగం’’ ఆధారంగా ఈ సినిమాను తెరకెక్కిస్తున్నారని యూనిట్ వర్గాలు తెలుపుతున్నాయి.

నవల కథ ప్రకారం... ‘‘ఓ హీరోయిన్ ను ప్రేమను గెలుచుకోవడానికి ఒక పార్ట్ టైమ్ చాలా ఎన్నో అవస్థలు పడతాడు. ఈ నేపథ్యంలోనే ఒక పెద్ద మాఫియా సామ్రాజ్యాన్నే నాశనం చేస్తాడు. చివరికి ఆ అమ్మాయి ప్రేమను గెలుచుకుంటాడు. అయితే అతను గూండా కాదు.. సీఐడీ ఆఫీసర్ అని తెలుస్తుంది’’. ఇది యండమూరి గారు రాసిన నవల! ఈ కథనే మెగాస్టార్ చిరంజీవి కూడా అప్పట్లో సినిమా రూపంలో తీసి, భారీ విజయాన్నే అందుకున్నారు.

అలాగే దర్శకుడు పూరీ జగన్నాథ్ కూడా ఈ నవలను కొంచెం అటూఇటూగా మార్చి, మహేష్ బాబుతో ‘‘పోకిరి’’ సినిమాను తెరకెక్కించాడు. ఆ సినిమా టాలీవుడ్ లోనే రికార్డు సృష్టించింది. అయితే ఇప్పుడు అదే నవల ఆధారంగా దర్శకుడు శ్రీనువైట్ల, చెర్రీతో ఒక క్లాసిక్ సినిమా తీయాలనుకుంటున్నట్లు ఫిల్మ్ నగర్ టాక్! ఒకవేళ ఈ సినిమాను వెండితెరపై ఆవిష్కరించాలంటే... అందుకు కథలో చాలా మార్పులు చేయాల్సి వుంటుంది. అప్పుడే ప్రేక్షకజనాలు కూడా ఒక కొత్త అనుభూతిని పొందగలరు.

ఇంతకుముందు ‘‘జంజీర్’’ వంటి భారీ చిత్రంలో ఎటువంటి మార్పులు చేయకుండా రీమేక్ చేసి చేతులు కాల్చుకున్న చరణ్... ఇప్పుడు ఈ సినిమాను అదే కోవలోకి తెరకెక్కిస్తే చెర్రీ కెరీర్ ఇబ్బందుల్లో పడే అవకాశం వుందని అందరూ చర్చించుకుంటున్నారు. కాబట్టి చెర్రీ ‘‘మరణమృదంగం’’ వాయించాలంటే... ఈ సినిమాలో చాలా మార్పులు చేసుకోవాల్సి వస్తుందని... లేకపోతే అదే టైటిల్ తో ఒక కొత్త కథను ఎంచుకుంటే చాలా మంచిదని సినీ విశ్లేషకులు సలహాలు ఇస్తున్నారు.