‘భీమ వరం బుల్లోడు ’ మరింత వెనక్కి ?

Posted: 01/27/2014 10:10 AM IST

కమేడియన్ స్థాయి నుండి హీరో ఎదగిన సునీల్ ప్రస్తుతం పలు సినిమాలతో బిజీగా ఉన్నాడు. ఈయన సురేష్ ప్రొడక్షన్స్ బ్యానర్లో ‘భీమవరం బుల్లోడు ’ సినిమాలో నటిస్తున్న విషయం తెలిసిందే. ఈ సినిమాకు సంబంధించిన ఆసక్తికరమైన వార్త ఒకటి బయటకు వచ్చింది.

మొదట ఈ సినిమాను సంక్రాంతి కానుకగా ప్రేక్షకుల ముందుకు తీసుకురావాలని అనుకున్నా, పెద్ద హీరోల సినిమాల కారణంగా దీనిని ఈనెల చివరి వారంలో విడుదల చేస్తామని చిత్ర యూనిట్ తెలిపింది. కానీ దీనికి సంబంధించిన తేదీని ఇప్పటి వరకు ప్రకటించలేదు. కారణం ఏంటంటే ఈ సినిమాలోని కొన్ని కీలక సన్నివేశాలను రీషూట్ చేస్తున్నారట. కొన్ని సన్నివేశాలు అనుకున్న విధంగా రాకపోవడంతో నిర్మాత, సునీల్ దర్శకుడి పట్ల అసంతృప్తిని వ్యక్తం చేయడం వల్లే వాటిని మళ్లీ చిత్రీకరిస్తున్నారని అంటున్నారు.

ఈ సన్నివేశాల చిత్రీకరణ అనంతం విడుదల తేదీని ప్రకటిస్తారని తెలుస్తుంది. కానీ కొంత మంది సినీ జనాలు మాత్రం పూరీ జగన్నాథ్ హార్ట్ ఎటాక్ సినిమా కారణంగానే వాయిదా వేశారని అనుకుంటున్నారు.