పవన్ అదే పేరుతో వస్తున్నాడు

Posted: 08/21/2013 05:57 PM IST

పవర్ స్టార్ పవన్ కళ్యాణ్ కి చాలా సంవత్సరాల తరువాత భారీ విజయాన్ని అందించిన సినిమా గబ్బర్ సింగ్. ఈ సినిమాకు సీక్వెల్ వస్తుందని ఎప్పటి నుండో వార్తలు వస్తున్నాయి. ఈ సినిమాను ‘రచ్చ ’ దర్శకుడు తెరకెక్కిస్తాడని, దానికి టైటిల్ ‘గబ్బర్ సింగ్ - 2’ పేరును ఖరారు చేసినట్లు వార్తలు వచ్చినా ఆ టైటిల్ హక్కులు కలిగి ఉన్న వారు గుడ్ విల్ కింద భారీ మొత్తం అడగటంతో ఆ పేరును మార్చేయాలని డిసైడ్ అయ్యి అనేక పేర్లను పరిశీలనలో ఉంచారు. అందులో ఒకటి ‘బెంగాల్ టైగర్ ’. ఈ పేరుతో పవన్ సినిమా ఉంటుందని అందరు భావించారు. కానీ అనూహ్యంగా ఈ సినిమాకు అదే పేరుతో టైటిల్ ని రిజిష్టర్ చేయించారు. దానికి ముందు పవన్ పేరును జోడించి ‘పవన్ కళ్యాణ్ గబ్బర్ సింగ్ - 2’ గా రిజిష్టర్ చేశారు. ఇదే టైటిల్ ఫైనల్ అయిందని అంటున్నారు. ప్రస్తుతం ప్రీ ప్రొక్షన్ పనులు జరుపుకుంటున్న ఈ సినిమాను త్వరలో సెట్స్ పైకి తీసుకెళ్ళేందుకు సన్నాహాలు చేస్తున్నారు. గతంలో గతంలో కూడా ఇలానే ‘కత్తి ’ సినిమాకు ‘ఖలేజా ’సినిమాకు టైటిళ్ళ విషయంలో అభ్యంతరాలు వస్తే వారి పేర్లు జోడించి విడుదల చేశారు. ఇప్పుడు ‘గబ్బర్ సింగ్ - 2’ దర్శకుడు కూడా వారినే ఫాలో అయ్యాడని, గబ్బర్ సింగ్ పేరు మార్చి తీస్తే సినిమాకు క్రేజ్ తగ్గుతుందని భావించే ఇలా చేశారని అంటున్నారు.