‘ఎవడు ’ సినిమా మళ్ళీ వెనక్కి వెళ్ళింది

Posted: 07/10/2013 11:40 AM IST

మెగా పవర్ స్టార్ రామ్ చరణ్ తేజ్ నటించిన ‘ఎవడు ’ సినిమా ఇటీవలే ఆడియోని విడుదల చేసుకొని మంచి హిట్ టాక్ తెచ్చుకున్న విషయం తెలిసిందే. ఈ సమ్మర్ సీజన్ లో రావాల్సిన జంజీర్ సినిమా ఆలస్యం కావడంతో చరణ్ బరిలో లేకుండా పోయిన చరణ్ ‘ఎవడు ’ సినిమానైనా ప్రేక్షకుల ముందుకు తేవాలని శరవేగంగా షూటింగ్ పూర్తి చేశారు. ఆడియో విడుదల రోజు ఈ సినిమాను జులై 25వ తేదీన విడుదల చేస్తామని ప్రకటించారు. కానీ తాజా సమాచారం ప్రకారం ‘ఎవడు ’ సినిమా విడుదల మళ్లీ వాయిదా పడిందని సమాచారం. ఈ సినిమా ఈనెల 31 తేదీన విడుదల చేయనున్నారని తెలుస్తుంది. ఇటీవలే షూటింగ్ పూర్తి చేసుకున్న ఈ సినిమా పోస్ట్ ప్రొడక్షన్ కార్యక్రమాలు ఆలస్యం కావడం వల్లనే ఈ సినిమా విడుదల ఆలస్యం అవుతుందని అంటున్నారు. ఇక ఈ సినిమా వాయిదా వలన చిన్న సినిమాల విడుదల పై ప్రభావం ఉండే అవకాశం ఉంది.  రామ్ చరణ్, శ్రుతి హాసన్, కోట శ్రీనివాసరావు, జయసుధ, సాయికుమార్‌, రాహుల్‌దేవ్‌, అజయ్‌, ఎల్‌.బి.శ్రీరాం, సుప్రీత్‌, వెన్నెల కిషోర్‌ తదితరులు ఇతర పాత్రధారులు. సహ నిర్మాతలు: శిరీష్‌-లక్ష్మణ్‌, కూర్పు: మార్తాండ్‌.కె.వెంకటేష్‌, కళ: ఆనంద్‌ సాయి, సంగీతం: దేవిశ్రీప్రసాద్‌. ఈ చిత్రంలో అల్లు అర్జున్‌, కాజల్‌ ప్రత్యేక పాత్రల్లో నటిస్తున్నారు. మరి ఎవడు అభిమానుల్ని ఎంత వరకు అలరిస్తుందో చూడాలి.