Posted: 02/23/2013 08:01 PM IST

టాలీవుడ్ సినిమా ఇండస్ట్రీకి ఎంతో మంది పరభాషకు చెందిన నటీ నటులు వస్తుంటారు. అందులో ముఖ్యంగా విలన్ క్యారెక్టర్ పోషించే వాళ్ళు. ఎంత మంది వచ్చినా కానీ తెలుగులో విలన్ల కొరత కొట్టచ్చినట్లు కనబడుతుంది. దీంతో  దర్శకనిర్మాతలు కూడా చిన్నా చితకా హీరోలను విలన్లుగా తీసుకుంటున్నారు. ఇక వారికి కూడా అవకాశాలు అంతగా లేకపోవడంతో ఏ పాత్ర ఇచ్చినా చేయడానికి సిద్ధం అవుతున్నారు. తాజాగా శీనువైట్ల- ఎన్టీఆర్ కాంబినేషన్లో వస్తున్న  ‘బాద్ షా ’ చిత్రంలో  నవదీస్ పూర్తి స్థాయి విలన్ గా నటిస్తున్నాడట.  'చందమామ' చిత్రంలో హీరోగా నటించిన నవదీప్ కి హీరోగా పెద్దగా అవకాశాలు రాకపోవడంతో సినిమాల్లో గెస్ట్ రోల్స్, కాస్తంత విలనిజం ఉన్న క్యారెక్టర్లు  చేస్తూ కాలం వెల్లదీస్తున్నాడు. ఇక ఈ చిత్రంలో విలన్ అవకాశం అనేసరికి.. కెరీర్ కు ఈ సినిమా అయినా బ్రేకిస్తుందేమోనని వెంటనే ఓకే చెప్పేశాడు. మరి నవదీప్ విలన్ గానైనా క్లిక్ అవుతాడో లేదో చూడాలి.