Posted: 01/12/2013 10:58 AM IST

       నిర్మాతల కౌన్సిల్, తమిళనాడు ధియేటర్ యజమానుల సంఘం, పంపిణీదారులతో జరిపిన చర్చలు ఫలప్రదం కావటంతో కమల్ తేలికబడ్డాడు. ఇంతకాలం డీటీహెచ్ గొడవతో మానసిక ఆందోళనకు గురైన కమల్ వెనకడుగు వేయటంతో ఈ ఫలితం దక్కింది. ఫలితంగా కమల్ ప్రతిష్టాత్మక ‘విశ్వరూపం’ సినిమా ప్రదర్శన మొదట థియేటర్ల లోనే జరుగుతుంది. తర్వాతి రోజు మాత్రమే డీటీహెచ్ లో ప్రసారం చేస్తారు. సుహృద్భావ వాతావరణంలో జరిగిన ఈ  సమావేశంలో థియేటర్ల సంఘం సభ్యులు 'విశ్వరూపం' సినిమా పెద్ద విజయం సాధించాలని ఆకాంక్షిస్తూ, కమల్ కు బంగారు ఉంగరాన్ని బహూకరించారు. దీంతో ఈ వివాదానికి తెరపడినట్లైంది. (సరికొత్తగా ‘విశ్వరూపం’ సినిమాని మొదట డీటీహెచ్ ప్రసారాల ద్వారా నేరుగా ఇండ్లలోకి సినిమాని రిలీజ్ చేయాలని కమల్ భావించిన సంగతి తెలిసిందే)
       ఈ సందర్భంగా కమల్ మాట్లాడుతూ, తన యుక్త వయస్సు నుంచి మీరంతా తనకెంతో తోడుగా ఉన్నారని, మీ అందరి ప్రోత్సాహంతోనే తాను ఇంతగా ఎదిగానని అన్నారు.  తాను గత మూడు రోజులుగా నిద్రకు దూరమయ్యానని, ఈ సమావేశానంతరం హాయిగా నిద్రపోతానని వెల్లడించారు.
          కాగా,  ఈ నెల 25 న తమిళనాడులోని 500 ధియేటర్లలో ఈ చిత్రాన్ని విడుదల చేస్తున్నారు. ఇక డీటీహెచ్ లో 28 న ప్రసారం చేసే అవకాశం కనిపిస్తుంది.

...avnk