Posted: 12/20/2012 03:10 PM IST

         దర్శకరత్న దాసరినారాయణ రావు విమర్శనాత్మక ప్రసంగాలు చేయటంలో ముందుంటారు. ఇక  చిత్ర సీమ గురించి ఏమైనా విమర్శలు చేసినా, వ్యాఖ్యానాలు సాగించినా అవి మెగా ఫ్యామిలీని టార్కెట్ చేసేవనే చాలా మంది భావిస్తూ ఉంటారు. అలాంటి ప్రసంగమే ఇవాళ తాజాగా చేశారు. తెలుగు చిత్ర పరిశ్రమలో సూపర్ స్టార్ ఎన్టీఆర్ అనీ ... తమిళంలో సూపర్ స్టార్ రజనీకాంత్ అని ... వాళ్లను మించిన స్టార్లు ఎవరూ లేరని దాసరి నారాయణరావు వ్యాఖ్యానించారు. రజనీ సూపర్‌స్టార్‌ అన్న విషయాన్ని సినిమా రంగానికి చెందిన వారందరూ ఒప్పుకున్నారని చెప్పారు. ఆయనతో సమానమైన వారు మరొకరు లేరని వ్యాఖ్యానించారు. దర్శకుడు సురేష్‌కృష్ణ రాసిన 'బాషాతో నేను' పుస్తకాన్ని దాసరి ఇవాళ హైదరాబాద్ లో ఆవిష్కరిస్తూ ఈ మాటలు అన్నారు. అంతేకాదు.. రజనీకాంత్ మహోన్నతమైన వ్యక్తిత్వాన్ని గురించి ప్రస్తావించారు. అసలైన సూపర్ స్టార్ అంటే ఆయనేనంటూ ప్రశంసించారు. రజనీకాంత్ చేసిన సాయాన్ని మరిచిపోతాడు కానీ, పొందిన సాయాన్ని మరిచిపోడంటూ పొగడ్తలతో ముంచెత్తారు.
         తన సిఫారసుతో ఫిల్మ్ ఇనిస్టిట్యూట్ లో చేరిన వాళ్లు.. వేషాల కోసం తన ఇంటి చుట్టూ సైకిల్ పై తిరిగిన వాళ్లు ఈ రోజున తనని సవాల్ చేసే స్థాయికి చేరుకున్నారని ఉద్వేగంగా అన్నారు. తన జీవితాన్ని పణంగా పెట్టి మరీ కొందరిని స్టార్ల ని చేస్తే, వాళ్లు తనని అవమానపరిచారని చెప్పారు. ఎండుగడ్డి కూడా మొలవని స్టూడియోల్లో పచ్చగడ్డి మొలిపించాననీ, అలాంటి స్టూడియో లోంచి తనను వెళ్ళగొట్టారనీ దాసరి ఆవేదనతో అన్నారు. అలాంటి వారందరి చరిత్రలను పుస్తకాలుగా రాస్తాననీ, నిజాలు అందరికీ తెలియజేయడమే తన ఉద్దేశమని ఆయన అన్నారు. చిరంజీవిని, అక్కినేనిని టార్గెట్ చేసే దాసరి ఈ వ్యాఖ్యలు చేశారని గుసగుసలు అప్పుడే ఇండస్ట్రీలో చెలరేగాయి.

...avnk