Posted: 12/07/2012 01:15 PM IST

       గత కొంతకాలంగా కందిరీగ 2 సీక్వెల్ మీద వచ్చిన ఊహాగానాలకు తెరపడింది.  'ఆది' వంటి సెన్సేషనల్‌ హిట్‌ చిత్రాన్ని నిర్మించిన అగ్రనిర్మాత బెల్లంకొండ సురేష్‌ మళ్ళీ పదేళ్ళ తర్వాత యంగ్‌టైగర్‌ జూ.ఎన్టీఆర్‌ హీరోగా ఈ భారీ చిత్రాన్ని నిర్మిస్తున్నారు. బెల్లంకొండ సురేష్‌ సమర్పణలో శ్రీ సాయిగణేష్‌ ప్రొడక్షన్స్‌ ప్రై.లిమిటెడ్‌ పతాకంపై యువనిర్మాత బెల్లంకొండ గణేష్‌బాబు నిర్మిస్తున్న ఈ చిత్రానికి, బెల్లంకొండ సురేష్‌ బేనర్‌లో 'కందిరీగ' వంటి సూపర్‌హిట్‌ చిత్రాన్ని రూపొందించిన యువదర్శకుడు సంతోష్‌ శ్రీన్‌వాస్‌ దర్శకత్వం వహిస్తారు. ఎన్టీఆర్‌ సరసన సమంత హీరోయిన్‌గా నటిస్తుంది.

         ఈ చిత్రం గురించి స్వయంగా బెల్లంకొండ సురేష్‌ వివరణ ఇచ్చారు. 'ఎన్టీఆర్‌కి పర్‌ఫెక్ట్‌ గా ఉండే అద్భుతమైన సబ్జెక్ట్‌ ను సంతోష్‌ శ్రీన్‌వాస్‌ రెడీ చేశారు. కథ వినగానే ఎన్టీఆర్‌ వెంటనే మార్చి నుంచి ఈ సినిమా చేస్తానని చెప్పారన్నారు. ఈ చిత్రానికి సంబంధించిన మిగిలిన వివరాలు త్వరలోనే తెలియజేస్తాం’ అన్నారు.
      ఈ మూవీ సమర్పణ: బెల్లంకొండ సురేష్‌, నిర్మాత: బెల్లంకొండ గణేష్‌బాబు, కథ-స్క్రీన్‌ప్లే-దర్శకత్వం: సంతోష్‌ శ్రీన్‌వాస్‌.

...avnk