Posted: 11/19/2012 04:37 PM IST

నువ్విలా ఫేం అజరు, జియా హీరో హీరోయిన్లుగా శ్రీ విఘ్నేష్‌ కార్తీక్‌ సినిమా బ్యానర్‌పై 'ఎంత అందంగా వున్నావె' చిత్రం అన్నపూర్ణ స్టూడియోలో ప్రారంభమైంది. గంగపట్నం శ్రీధర్‌ నిర్మిస్తున్న ఈ చిత్రానికి ఎస్‌ఐ మహేంద్ర దర్శకుడిగా పరిచయమవుతున్నారు. తొలి సన్నివేశానికి టి.చంద్రశేఖర్‌రెడ్డి క్లాప్‌ ఇవ్వగా, శ్రీనాథ్‌ కెమేరా స్విచ్ఛాన్‌ చేశారు. నటుడు, దర్శకుడు రవిబాబు గౌరవ దర్శకత్వం వహించారు.
       ఈ సందర్భంగా దర్శకుడు మహేంద్ర మాట్లాడుతూ 'దర్శకుడిగా నాకిది మొదటి చిత్రం. ఒకే ప్లాట్‌లోని రెండు కుటుంబాల మధ్య జరిగే కథ ఇది. చిన్న గొడవతో విడిపోయిన ఈ రెండు కుటుంబాలు మళ్ళీ ఎలా కలిసాయి, ఈ రెండు కుటుంబాల్లోని అబ్బాయి, అమ్మాయి ఎలా ప్రేమలో పడ్డారన్నదే ఈ చిత్ర కథాంశం. చక్కటి కుటుంబ, ప్రేమ కథా చిత్రంగా రూపొందిస్తున్న మా తొలి ప్రయత్నానికి ప్రేక్షకుల ఆదరణ కావాలి' అన్నారు.
        నిర్మాత, సంగీత దర్శకుడు ఈ సినిమా విజయవంతం అవుతుందని ఆశాభావం వ్యక్తం చేశారు. అజరు, జియా, రవిబాబు, కాశీవిశ్వనాథ్‌, వైజాగ్‌ప్రసాద్‌ తదితరులు నటిస్తున్నారు.
       ఈ చిత్రానికి ఎడిటింగ్‌ : వినరురామ్‌, ఆర్ట్‌: నాగేంద్ర, ఫొటోగ్రఫీ: బాలు, పాటలు : సిరివెన్నెల సీతారామశాస్త్రి, సంగీతం యోగీశ్వర శర్మ, సమర్పణ: తమ్మిరెడ్డి చంద్రశేఖర్‌, నిర్మాత : గంగపట్నం శ్రీధర్‌, కథ-కథనం -మాటలు-దర్శకత్వం : ఎస్‌ఐ మహేంద్ర.

..avnk