Posted: 11/15/2012 05:00 PM IST

ప్రస్తుతం సినిమా ఇండస్ట్రీలో ఏ సినిమా ఎప్పడు విడుదల అవుతుందో సరిగ్గా తెలియని పరిస్థితి నెలకొంది. సినిమా విడుదల తేదీని ప్రకటించినా ఆ సినిమా థియేటర్ కు వెళ్ళేంత వరకు కూడా నమ్మకం లేకుండా పోయే రోజులు వచ్చాయి. ఇక రానున్న సంక్రాంతి సీజన్ లో భారీ సినిమాలు విడుదల అవుతాయని భావించారు. కానీ ఈ సంక్రాంతి బరి నుండి ఒక్కొక్క సినిమా మెల్లిమెల్లిగా తప్పుకుంటున్నాయి. తాజాగా సూపర్ స్టార్ రజినీ కాంత్ నటించిన ‘కొచ్చడయాన్ ’ సినిమా కూడా సంక్రాంతికి విడుదల చేస్తామని ప్రకటించారు. కానీ ఇప్పుడు దానిని పోస్ట్ పోన్ చేసినట్లు వార్తలు వస్తున్నాయి. రజినీ కూతురు సౌందర్య దర్శకత్వం వహించిన ఈ సినిమాలో ఎక్కువ శాతం యానిమేషన్ ఉండటంతో మరింత సమయం పట్టేటట్టు ఉండటంతో ఈ సినిమాని సంక్రాంతి రేస్ నుండి తప్పించారు. ఈ సినిమాని ఏప్రిల్ లో విడుదల చేయడానికి ప్రయత్నాలు సాగిస్తున్నారట. భారతదేశంలోనే తొలిసారిగా మోషన్ క్యాప్చర్ టెక్నాలజీతో తెరకెక్కుతోన్న చిత్రం ఇదే కావడం గమనార్హం. ఈ చిత్రం పోస్ట్ పోన్ కావడంతో టాలీవుడ్ హీరో రామ్ చరణ్ తేజ్ ‘నాయక్ ’ సినిమాకి గట్టి పోటీ లేనేది లేకుండా పోయింది. మరి ఈ నాయక్ ఏం చేస్తాడో చూడాలి.