Posted: 11/06/2012 10:58 AM IST

తెలుగు చిత్ర సీమలో వర్గాల్లో ఆసక్తికర చర్చ జరుగుతోంది ఈ చిత్రం గురించే.  రొమాంటిక్ కథా చిత్రాల స్పెషలిస్టు గౌతమ్ మీనన్ త్వరలో మహేష్ బాబు హీరోగా ఓ చిత్రాన్ని రూపొందించనున్నాడంటూ   టాలీవుడ్, కోలీవుడ్ మీడియా వార్తలు సంచలనం రేపిన నేపధ్యంలో ఈ ప్రాజక్ట్ గురించే అంతా చర్చించుకుంటున్నారు. సాధారణంగా గౌతమ్ మీనన్  స్టార్ హీరోలతో సినిమా తీసేటప్పుడు ఆయా హీరోలకు ఓ కొత్త స్టయిల్ ఆపాదిస్తాడు. అందుకే, మహేష్ ని ఎటువంటి స్టయిల్ లో చూపించబోతున్నాడన్నది ఇప్పుడు అందరిలోనూ కుతూహలాన్ని రేకెత్తిస్తోంది.
       అంతేకాదు, ఈ చిత్రాన్ని అత్యున్నత సాంకేతిక నైపుణ్యంతో హాలీవుడ్ స్థాయి చిత్రంగా మలచాలన్నది గౌతమ్ ప్లాన్ గా తెలుస్తోంది. అందుకు తగ్గట్టుగా స్క్రిప్టు సిద్ధం చేస్తున్నాడట. మహేష్ కూడా ఈ ప్రాజక్ట్ పట్ల ఆశక్తిగానే ఉన్నట్టు వినికిడి.  అన్నీ అనుకున్నట్టుగా జరిగితే, తెలుగు, తమిళ, హిందీ భాషల్లో రూపొందే ఈ చిత్రం షూటింగు జనవరిలో మొదలవుతుంది. ఇంకేముంది. ఇప్పుటికే వెండితెరమీద వెలుగులు జిమ్ముతోన్న ప్రిన్స్ ఇంకే మాయ చేస్తాడో...     

...avnk